+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ۆاشينگتوندا ۇلكەن دجوردج بۋشپەن قوشتاستى

6 جەلتوقسان 14:33 51
:ءبولىسۋ
ۆاشينگتوندا ۇلكەن دجوردج بۋشپەن قوشتاستى

استانا. قازاقپارات - ا ق ش- تا 5 -جەلتوقسان كۇنى 41-پرەزيدەنت ۇلكەن دجوردج بۋشپەن رەسمي تۇردە قوشتاستى. ۇلكەن بۋش قاراشانىڭ 30-ى كۇنى 94 جاسىندا حيۋستوندا قايتىس بولعان.

رەسمي قوشتاسۋ ءراسىمى ۆاشينگتونداعى ۇلتتىق سوبوردا ءوتتى. بۇل جەرگە بۇرىنعى پرەزيدەنتتىڭ مۇردەسى سالىنعان تابىتتى كاپيتولييدىڭ ا ق ش پارلامەنتىنىڭ «جۇرەگى» سانالاتىن روتوندا كۇمبەزىنەن ۇستىنە مەملەكەتتىك تۋ جاۋىپ الىپ كەلدى. كۇمبەزدە ەكى كۇن تۇرعان تابىتقا مىڭداعان امەريكالىق قۇرمەت كورسەتىپ، گۇل شوقتارىن قويدى.

 
ۆاشينگتوندا ۇلكەن دجوردج بۋشپەن قوشتاستى
ا ق ش- تىڭ بۇرىنعى پرەزيدەنتى كىشى دجوردج بۋش اكەسى دجوردج بۋشتىڭ تابىتىنىڭ جانىندا تۇر.

قوشتاسۋ راسىمىنە ا ق ش پرەزيدەنتى دونالدى ترامپ، بۇرىنعى ءتورت پرەزيدەنت، دجوردج بۋشتىڭ وتباسى، كورنەكتى ساياساتكەرلەر، ۇلكەن بۋش كەزىندە ءوزى ارىپتەس بولعان بىرنەشە مەملەكەتتىڭ بۇرىنعى باسشىلارى قاتىستى.

قوشتاسۋدا ءبىرىنشى بولىپ سويلەگەن تاريحشى دجون ميچەم ۇلكەن دجوردج بۋشتى «سوڭعى كورنەكتى سارباز- پرەزيدەنت»، قيىن كەزەڭدەردەگى «قورعانىمىز» دەپ اتادى. ءسوز سويلەگەندەردىڭ كەيبىرى ەستەلىگىندە بۇرىنعى پرەزيدەنتتىڭ ءازىل مەن ءوزىن- ءوزى مىسقىلداۋدى ۇناتقانىن ايتتى.


ۆاشينگتوندا ۇلكەن دجوردج بۋشپەن قوشتاستى

راسىمدە ۇلكەن بۋشتىڭ ۇلى، ا ق ش- تىڭ 43-پرەزيدەنتى كىشى دجوردج بۋش تا سويلەدى.

ب ا ق- تىڭ حابارلاۋىنشا، بۋشتىڭ جانۇياسى ءسوز سويلەگەندەردەن ەشقانداي ساياسي مالىمدەمە جاساماۋدى سۇراعان. دەگەنمەن، كەيبىر باقىلاۋشىلار العاشقى قاتاردا بۇرىنعى ءۇش پرەزيدەنتپەن جانە ولاردىڭ ايەلدەرىمەن بىرگە وتىرعان پرەزيدەنت دونالد ترامپ وزىنە دەيىن پرەزيدەنت بولعان باراك وباماممەن جانە ونىڭ ايەلىمەن عانا قول الىسقانىنا نازار اۋدارادى.


ۆاشينگتوندا ۇلكەن دجوردج بۋشپەن قوشتاستى

قوشتاسۋ راسىمىنەن سوڭ ۇلكەن دجوردج بۋشتىڭ مۇردەسى سالىنعان تابىتتى ۇشاقپەن حيۋستونعا الىپ كەتتى. بۇل جەردە بۇرىنعى پرەزيدەنتپەن ونىڭ وتباسى قوشتاسادى. ۇلكەن دجوردج بۋش 6  -جەلتوقسان كۇنى تەحاستاعى ءوزىنىڭ اتىنداعى پرەزيدەنتتىك كىتاپحانانىڭ اۋماعىنا، جەتى اي بۇرىن قايتىس بولعان زايىبى باربارا مەن 1953 -جىلى ءۇش جاسىندا شەتىنەگەن قىزى روبيننىڭ قاسىنا جەرلەنەدى.


ۆاشينگتوندا ۇلكەن دجوردج بۋشپەن قوشتاستى

www.azattyq.org


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات