قاسىم- جومارت توقايەۆ شاحماتشى قىزدىڭ كىتابى جايلى: اسا قاجەت ءارى پايدالى
«جاس شاحماتشى دينارا ءسادۋاقاسوۆانىڭ «شاحمات ويناپ ۇيرەنەيىك» كىتابى جارىق كوردى. شاحمات ونەرىنە ارنالعان قازاق تىلىندەگى بۇل تۇڭعىش تۋىندى كوپشىلىك قاۋىمعا اسا قاجەت ءارى پايدالى»، - دەپ جازدى قاسىم- جومارت توقايەۆ.
سەنات سپيكەرى سونداي- اق كاسىبي مانەرلەپ سىرعاناۋشى كسەنيا پانكراتوۆانىڭ جۋىردا ۇلكەن الماتى كولىندە تۇسىرىلگەن ۆيدەوسىنا قاتىستى پىكىر ءبىلدىردى.
«الماتىلىق ارۋدىڭ بىرەگەي تابيعي قورىقتاردى قوقىسپەن لاستاماۋ تۋرالى ۇندەۋىن قولدايمىن»، - دەپ اتاپ ءوتتى سپيكەر.
ەسكە سالا كەتەيىك، ۇلكەن الماتى كولىندە كونكيمەن سىرعاناعان قىزدىڭ ۆيدەوسى ينتەرنەتتە تەز تارالىپ، ونى ميلليوننان استام ادام تاماشالاعان. ۆيرۋستىق روليك شەتەلدىك الەۋمەتتىك توپتاردا دا جاريالاندى. كوپتەگەن قولدانۋشىلار مانەرلەپ سىرعاناۋشىنىڭ ونەرىنە جانە سۇلۋ تابيعاتقا ءتانتى بولىپ، تاڭداي قاقتى. ءتىپتى، ول ۆيدەو امەريكالىق شوۋدىڭ دا قىزىعۋشىلىعىن تۋعىزدى.