+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

استانانىڭ ەڭ سۇلۋ قىزدارى قارتتار ۇيىندە بولىپ، ۇلكەندەردىڭ باتاسىن الدى

6 جەلتوقسان 11:59 60
:ءبولىسۋ
استانانىڭ ەڭ سۇلۋ قىزدارى قارتتار ۇيىندە بولىپ، ۇلكەندەردىڭ باتاسىن الدى

استانا. قازاقپارات - «استانا ارۋى» بايقاۋىنا قاتىسۋشى سۇلۋلار قارتتار ۇيىندە بولىپ، قاريالاردان باتا الدى، دەپ حابارلايدى قازاقپارات.

جىل سايىن «استانا ارۋى» جانە «قازاقستان ارۋى» بايقاۋلارىنىڭ فينالىنا شىققان بيكەشتەر قايىرىمدىلىق ناۋقاندارىنا قاتىسادى. فينالعا دايىندىقتىڭ العاشقى كۇندەرى «استانا ارۋى» بايقاۋىنا قاتىسۋشىلار «شاراپات» مەديتسينا-الەۋمەتتىك مەكەمەسىن مەكەندەگەن ارداگەرلەر مەن قارت ادامداردىڭ قال-جاعدايىن سۇرادى.

وسىعان وراي اتالمىش مەكەمەدە قايىرىمدىلىق كونسەرتى ءوتتى. جاس ارتىستەر ءان سالىپ، ءبي بيلەدى. ال «استانا ارۋى» بايقاۋىنىڭ قاتىسۋشىلارى ارداگەرلەرگە 5 پلازمالىق تەلەديداردى تارتۋ ەتتى. ولار قاريالارمەن اڭگىمە-دۇكەن قۇرىپ، باتاسىن الدى.

«بۇگىن ءبىزدى قازاقستاننىڭ بولاشاعى - كىشكەنتاي بۇلدىرشىندەر مەن جاستار قۇتتىقتاۋعا كەلدى. ولار وسى مەملەكەتتە ءومىر ءسۇرىپ جاتقان ۇرپاقتىڭ بويىنداعى رۋحتى جالعاستىرۋعا ءتيىس. سوندىقتان قوناقتارعا ريزامىز»، - دەيدى «شاراپات» الەۋمەتتىك قىزمەت كورسەتۋ ورتالىعىنىڭ ديرەكتورى كەنجەبولات باپىشيەۆ.

سودان كەيىن سۇلۋلار استانا قالاسىنداعى ارنايى تۇزەتۋ مەكتەپ- ينتەرناتىندا قوناق بولدى. بۇل مەكتەپتە ءبىلىم الۋ بارىسىندا ەرەكشە قاجەتتىلىككە مۇقتاج بالالار وقيدى.

ارۋلار مەكتەپ-ينتەرنات تاربيەلەنۋشىلەرىمەن تانىسىپ، اڭگىمەلەستى. بىرگە بيلەپ، سىيلىقتارىن تارتۋ ەتتى. ال، بالالار بويىنداعى بار ونەرىن پاش ەتۋگە اسىقتى. ولار ءان سالىپ، ءتۇرلى مۋزىكالىق اسپاپتاردا وينادى، ءبي بيلەدى. قولدان جاساعان بۇيىمدارىن كورسەتتى. «استانا ارۋى» بايقاۋىنىڭ فينالعا شىققان ەڭ جاس ارۋلارى - 16 جاستاعى كارينا قوجاعۇلوۆا مەن جانەل تاشيەۆاعا بالالار ءوز قولدارىمەن جاساعان كادەسىيلارىن تارتۋ ەتتى.

ەسكە سالا كەتەيىك، 12- جەلتوقسان كۇنى استانادا قىستىڭ ەڭ كەرەمەت بايقاۋى - «استانا ارۋى 2018» وتەدى. ول ەلوردانىڭ 20 جىلدىق مەرەيتويىنا ارنالماق.


باستى سوزدەر: مادةنيةت,
:ءبولىسۋ

اأتور:

novasa

ونلاين قىزمەتكەرلەر
مۇراعات