اقتاۋدا «شوتان باتىر» فيلمىنىڭ تۇساۋى كەسىلدى

استانا. قازاقپارات - اقتاۋدا «شوتان باتىر» دەرەكتى فيلمىنىڭ تۇساۋكەسەرى ءوتتى. تاريحي فيلمدە 18- عاسىردا ءومىر سۇرگەن شوتان نازار ۇلىنىڭ قازاق جەرىنىڭ بۇتىندىگى جولىندا شايقاسقان ەرلىكتەرى مەن باتىرلىعى سيپاتتالادى.

ەر شوتان جوڭعار شاپقىنشىلىعى كەزىندە ابىلاي مەن ءابىلقايىر حاننىڭ سەنىمدى سەرىگى، تاڭداۋلى ساردارى دا بولعان. قاراكەرەي قابانباي، قانجىعالى بوگەنباي، حانگەلدى جانە وتەگەن باتىرلارمەن بىرگە قازاق قولىنىڭ ءبىر بولىگىنە باسشىلىق ەتكەن.

«رۋحاني جاڭعىرۋ» باعدارلاماسىنىڭ اياسىندا قولعا الىنعان دەرەكتى فيلم ماڭعىستاۋ، قاراعاندى جانە شىعىس قازاقستان وبلىستارىندا ءتۇسىرىلدى. رەجيسسەر دوقتىرحان تۇرلىبەك وسى فيلم ارقىلى ۇلى دالا باتىرلارىنىڭ ەرلىگىن الەمگە پاش ەتۋدى كوزدەگەنىن ايتادى. «شوتان باتىر» فيلمى بىرنەشە تۇركىتىلدەس ەلدەردىڭ تىلىنە اۋدارىلىپ، كورسەتىلمەك.

www.24.kz