قازاقءتىلدى سايتتاردىڭ سانى دا، سالماعى دا ارتىپ كەلەدى - داۋرەن ابايەۆ
ءىس- شارانى ق ر اقپارات جانە كوممۋنيكاتسيالار ءمينيسترى داۋرەن ابايەۆ اشتى. ونىڭ ايتۋىنشا، قازاقءتىلدى كونتەنتتىڭ سانى ارتىپ كەلەدى. ەندىگى ماقسات - سول كونتەنتتىڭ ساپاسىن كوتەرۋ.
«بۇگىندە قازاقءتىلدى سايتتاردىڭ سانى دا، سالماعى دا ارتىپ كەلەدى. ۋاقىت تالابىنا ساي ءوز اۋديتورياسىن قالىپتاستىرعان باسەكەگە بەيىم پورتالداردىڭ قاراسى كوبەيىپ جاتىر. وسى قارقىن جالعاسسا، مەملەكەتتىك ءتىلىمىزدىڭ مارتەبەسى وسەدى»، - دەدى د. ابايەۆ.
ءمينيستردىڭ سوزىنە قاراعاندا، بۇگىندە اقپاراتتىق سايتتار ارقىلى مەملەكەتتىڭ ساياساتىن حالىققا جىلدام جەتكىزۋگە مۇمكىندىك بار. ماسەلەن، حالىق ەلباسىنىڭ «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» اتتى باعدارلامالىق ماقالالارىنىڭ ماعىناسىنا تەرەڭىرەك ءۇڭىلدى.
«وسىنداي اۋقىمدى جۇمىستى اتقارعاندارىڭىز ءۇشىن اقپارات جانە كوممۋنيكاتسيالار مينيسترلىگى اتىنان سىزدەرگە العىس ايتامىز. الەم ءبىر ورىندا تۇرعان جوق. ينتەرنەت ءتۇرلى باعىتتار بويىنشا جان- جاقتى دامىپ جاتىر. سول سەبەپتى اۋديتورياعا قىزىقتى كونتەنت، وقىرمانعا تارتىمدى پورتال قالىپتاستىرۋ - بۇگىنگى زامان تالابى. قازىر قازاقتىلدى سايتتاردىڭ ءوز باعىتى قالىپتاسىپ كەلەدى. وسى جايت كوڭىلگە قۋانىش ۇيالاتادى. بۇگىندە ناقتى دەرەگى بار قىسقا دا نۇسقا اقپارات قۇندى. وسىدان ون جىل بۇرىن ءبىز قازاقءتىلدى سايتتار بولسا ەكەن دەپ ويلاتىنبىز. قازىر ونداي سايتتار بار. سانى دا از ەمەس. ەندى، سول سايتتاردىڭ ساپاسىن ارتتىرۋىمىز قاجەت»، - دەپ اتاپ كورسەتتى د. ابايەۆ.
اۆتور: ارمان اسقاروۆ