09:12, 06 - جەلتوقسان 2018 | GMT +6
امەريكانىڭ ەكى اسكەري ۇشاعى تىنىق مۇحيتىنا قۇلادى
استانا. قازاقپارات - ا ق ش- تىڭ ك س-130 ماي قۇيۋشى ۇشاعى مەن F/A-18 جويعىش بومبالاۋشى ۇشاعى اۋەدە سوقتىعىسىپ، تىنىق مۇحيتىنا قۇلادى.
ۇشاقتاردىڭ بورتىندا جەتى ادام بولعان، قازىرگى كەزدە ولاردىڭ بىرەۋى ءتىرى تابىلدى، دەپ حابارلادى بي-بي-سي تەڭىز جاياۋ اسكەرىنىڭ كورپۋسىنا سىلتەمە جاساپ.
قۇتقارىلعان اسكەري قىزمەتكەر جاپونيا استاناسىنداعى تەڭىز جاياۋ اسكەرىنىڭ يۆاكۋني بازاسىندا تەكسەرۋدەن ءوتىپ جاتىر. جاپونيا تەڭىز كۇشتەرىنىڭ ىزدەۋ-قۇتقارۋ قىزمەتى مەن امەريكا اۆياتسياسى ۇشاقتاردا بولعان تاعى التى ادامدى ىزدەۋ شارالارىن جالعاستىرۋدا.
وقيعا جاپونيا جاعالاۋىنان 200 ميل (322 شاقىرىم) جەردە ورىن العان.
بي- بي- سي-ءدىڭ توكيوداعى قىزمەتى تۇندە جاپونيا ارالدارىندا كۇن قاتتى بۇلتتانىپ، جاڭبىر جاۋعانىن حابارلادى.