استانادا قوسىمشا ءبىلىم بەرەتىن ۇزدىك ۇيىمدار انىقتالدى

استانا. قازاقپارات - باعدارلامانىڭ نەگىزگى ماقساتى - قازاقستاننىڭ بارلىق ايماقتارىندا قوسىمشا ءبىلىم بەرۋ ۇيىمدارىنا قوعام نازارىن اۋدارتۋ، دەپ حابارلايدى ەلوردا اكىمدىگىنىڭ رەسمي سايتى.

2018-جىلى ەلباسى كىتاپحاناسى بالالار شىعارماشىلىعى مەن قوسىمشا ءبىلىم بەرۋ ۇيىمدارىن قولداۋعا باعىتتالعان «تۋعان ولكەم» اتتى رەسپۋبليكالىق باعدارلامانى ىسكە اسىرۋدى باستادى. مەملەكەت باسشىسىنىڭ «رۋحاني جاڭعىرۋ» باعدارلامالىق ماقالاسىنىڭ جالعاسى ىسپەتتى بولدى. العاشقى جىلى ەلباسى كىتاپحاناسىنىڭ قابىرعاسىندا سەمەي، پاۆلودار، شىمكەنت، ەكىباستۇز بالالار كوركەمسۋرەت مەكتەبى تۇلەكتەرىنىڭ ديپلومدىق جۇمىستارىنىڭ كورمەسى ۇيىمداستىرىلدى.

استانانىڭ 20 جىلدىعى اتالىپ وتىلگەن جىلى «تۋعان ولكەم» باعدارلاماسىنىڭ اياسىنداعى بارلىق كورمەلەر ەلوردانىڭ مەرەيتويىنا ارنالدى.

«بالالىق شاقتان كوزقاراس» جوباسى مەن «تۋعان ولكەم» باعدارلاماسى ىسكە اسىرىلا باستاعان العاشقى جىلى تابىستى وتكەنىن سەزىنۋ ءبىر باقىت. قۇرمەتتى سەرىكتەستەر، جەمىستى ىنتىماقتاستىعىڭىز، سىزدەردىڭ پەداگوگتەرىڭىز بەن وقۋشىلارىڭىزدىڭ ەڭبەگى ءۇشىن العىسىمدى بىلدىرەمىن. كەلەسى جىلى ءبىزدى جاڭا كەزدەسۋلەر مەن جاڭا كورمەلەر كۇتىپ تۇر»، - دەدى ق ر تۇڭعىش پرەزيدەنتى كىتاپحاناسى ديرەكتورىنىڭ ءبىرىنشى ورىنباسارى امەرحان راحيمجانوۆ.

سەمەي بالالار ونەر مەكتەبى، پاۆلودارداعى 1№  «يۋنەسكو كلۋبى» بالالار كوركەمسۋرەت مەكتەبى مەن ەكىباستۇزداعى «يۋنەسكو كلۋبى» بالالار كوركەمسۋرەت مەكتەبى رەسپۋبليكالىق «تۋعان ولكەم» باعدارلاماسىنىڭ لاۋرەاتتارى اتاندى.