+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

فۋتبول: «استانانىڭ» قارسىلاسى فرانسيا چەمپيوناتىندا كوش باستاۋشى كوماندانى ۇتتى

6 جەلتوقسان 08:10 105
:ءبولىسۋ
فۋتبول: «استانانىڭ» قارسىلاسى فرانسيا چەمپيوناتىندا كوش باستاۋشى كوماندانى ۇتتى

استانا. قازاقپارات - فرانسيا چەمپيوناتىنىڭ كەزەكتى تۋرىندا «ليون» - «رەنن» ماتچىندا كۇتپەگەن ناتيجە تىركەلدى، دەپ حابارلايدى قازاقپارات ءتىلشىسى.

ليون قالاسىندا وتكەن كەزدەسۋدە بىرىنشىلىكتەگى كوش باستاۋشىلاردىڭ ءبىرى «استانانىڭ» ەۋروپا ليگاسىنداعى قارسىلاسى - «رەنن» كومانداسىن قابىلدادى.

بۇل ويىن تاعدىرىن ءبىرىنشى تايم سوڭىنا تامان سوعىلعان قوس دوپ شەشتى. 41-مينۋتتا «رەننىڭ» كاپيتانى حاتەم بەن-ارفا ەسەپ اشسا، ەكى مينۋتتان كەيىن الاڭ يەلەرىنىڭ ەسىن جيعىزباستان، جوردان سەباتشە مەرگەندىك تانىتتى.

ەكىنشى تايمدا «ليون» العا ۇمتىلعانىمەن، ەشتەڭە تىندىرا المادى.

وسىلايشا بيىل بىرىنشىلىك بارىسىندا ويىنى قوجىراپ، تۋرنير كەستەسىندە كوش سوڭىنا قاراي قۇلدىراعان «رەنن» ليوندا ەۋروپا چەمپيوندارى ليگاسىندا باق سىناپ جۇرگەن «ليوندى» 2:0 ەسەبىمەن جەرگە قاراتىپ كەتتى.

بۇل باسەكەدەن كەيىن «رەنن» 20 ۇپايمەن 13-ورىنعا كوتەرىلسە، «ليون» (28 ۇپاي) بۇرىنعىشا ءتورتىنشى ساتىدا قالدى.

وتكەن تۋردا «رەنن» ءوز الاڭىندا «ستراسبۋردان» 1:4 ەسەبىمەن ويسىراي جەڭىلگەننەن كەيىن كوماندانىڭ باس باپكەرى سابري ليامۋشي ورنىنان كەتكەن بولاتىن.

ايتا كەتەيىك، «استانا» ەۋروپا ليگاسىنىڭ توپتىق باسەكەسىندە 15- جەلتوقسان كۇنى فرانسيادا وسى «رەنن» كلۋبىمەن شەشۋشى كەزدەسۋىن وتكىزەدى. ك توبىندا «دينامو» (كيەۆ) كومانداسى  11ۇپايمەن پلەي-وفف ماسەلەسىن شەشىپ قويسا، ەكىنشى جولدامانى قازاقستاندىق پەنفرانتسيالىق كلۋبتار ساراپقا سالادى. بۇل ماتچتا ەلوردالىقتارعا تەڭ ويىن جەتكىلىكتى. فرانسۋزدارعا تەك قانا جەڭىس كەرەك.

 

 


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
مۇراعات