+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

رەيستەرى كەشىكپەيتىن قازاقستاندىق اۋە كومپانيالار انىقتالدى

6 جەلتوقسان 07:33 99
:ءبولىسۋ
رەيستەرى كەشىكپەيتىن قازاقستاندىق اۋە كومپانيالار انىقتالدى

استانا. قازاقپارات - ق ر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتى ۋاقىتىنان كەشىكپەي قىزمەت كورسەتەتىن اۋە كومپانيالاردىڭ رەيتينگىن جاريالادى، دەپ حابارلايدى قازاقپارات.

كوميتەتتىڭ حابارلاۋىنشا، وسى جىلدىڭ 10 ايىنىڭ قورىتىندىسىنا سايكەس، ۇشۋ كورسەتكىشتەرىنىڭ تۇراقتىلىعى %87,9  قۇراعان.

«SCAT» اۋە كومپانياسىنىڭ بەلگىلەنگەن ۋاقىتتان كەشىكپەي ۇشۋ كورسەتكىشى %78,9  بولعان، ياعني 19759 رەيستىڭ 4157 ءى كىدىرگەن. ال «Qazaq Air» كومپانياسى كورسەتىلگەن مەرزىم ىشىندە 4537 رەيس جاساپ، سونىڭ 753 ءى كەشىگىپ كەلگەن.

«ەير استانانىڭ» 47648 ۇشىرىلىمىنىڭ 4755 رەيسى بەلگىلەنگەن ۋاقىتىنان كىدىرگەن، كەشىكپەي ۇشۋ %97,1  قۇرادى. ال «بەك ەيردىڭ» ءدال ۋاقىتتى ۇستاپ قىزمەت كورسەتۋ كورسەتكىشى %97,9  بولعان، ياعني 8203 رەيستىڭ 167 ءسى كەشىگىپ ۇشىرىلعان»، - دەلىنگەن اتالعان ۆەدومستۆونىڭ فەيسبۋكتەگى پاراقشاسىندا.

سونداي-اق، كوميتەت اۋە كەمەلەرىنىڭ ۋاقىتىنان كەشىگۋىنە نەگىزىنەن اۋە كەمەسىنىڭ كەش ۇشىپ كەلۋى، تەحنيكالىق سەبەپتەر، قولايسىز اۋا رايى، جۇك جانە جولاۋشىلاردىڭ وقيعالارى، اۋەجايدا قىزمەت كورسەتۋ جاعدايلارى سەبەپ بولاتىندىعىن اتادى.

ايتا كەتسەك، قازاقستاندىق اۋە كومپانيالارىنىڭ ۋاقىتىمەن ۇشۋ كورسەتكىشتەرى 22 پايىزعا جوعارلاعان.


:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات