+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

ساراپشىلار قازاقستاننىڭ ب ۇ ۇ قاۋىپسىزدىك كەڭەسىنە مۇشەلىگىن تالقىلادى

5 جەلتوقسان 21:43 101
:ءبولىسۋ
ساراپشىلار قازاقستاننىڭ ب ۇ ۇ قاۋىپسىزدىك كەڭەسىنە مۇشەلىگىن تالقىلادى

بريۋسسەل. قازاقپارات - بريۋسسەل قالاسىندا ەۋروپارلامەنت دەپۋتاتتارى، ديپلوماتيالىق كورپۋس جانە ساراپشىلار قاۋىمداستىعىنىڭ وكىلدەرى قازاقستان رەسپۋبليكاسىنىڭ بىرىككەن ۇلتتار ۇيىمى قاۋىپسىزدىك كەڭەسىندەگى مۇشەلىگىنىڭ قورىتىندىلارىن تالقىلادى، دەپ حابارلايدى «قازاقپارات» ءتىلشىسى.

بەلگيا استاناسىندا «جاھاندىق قازاقستان ءوزارا بايلانىسقان الەم ءۇشىن» تاقىرىبىمەن «دوڭگەلەك ۇستەل» وتىرىسى ءوتتى. اتالعان شارا قازاقستان رەسپۋبليكاسىنىڭ ب ۇ ۇ قاۋىپسىزدىك كەڭەسىندەگى مۇشەلىگىنىڭ قورىتىندىلارىنا ارنالعان. شارانى ازيالىق زەرتتەۋلەردىڭ ەۋروپالىق ينستيتۋتى مەن قازاقستاننىڭ بەلگياداعى ەلشىلىگى ۇيىمداستىردى.

 ءوز سوزىندە ق ر سىرتقى ىستەر ءمينيسترىنىڭ ورىنباسارى ەرجان اشىقبايەۆ قازاقستاننىڭ ب ۇ ۇ قاۋىپسىزدىك كەڭەسىندەگى جۇمىسى كەزىندە جەتى باسىمدىعىن اتاپ ءوتىپ، حالىقارالىق ۇيىمداعى قازاقستاننان «مۇرا» بولىپ قالعان بىرنەشە ماسەلەنى اتادى. اتاپ وتكەندە، قازاقستاننىڭ ب ۇ ۇ قاۋىپسىزدىك كەڭەسىندەگى ءتوراعالىعى كەزىندە 2018 -جىلدىڭ قاڭتار ايىنداعى باستى شارا - قازاقستان پرەزيدەنتى نۇرسۇلتان نازاربايەۆتىڭ توراعالىعىمەن «جاپپاي قىرىپ- جويۋ قارۋلارىن تاراتپاۋ: سەنىم شارالارى» تاقىرىبىمەن جوعارى دەڭگەيدەگى تاقىرىپتىق بريفينگ بولىپ ءوتتى.

 تاعى ءبىر ماڭىزدى شارا - قاڭتار ايىندا ب ۇ ۇ قاۋىپسىزدىك كەڭەسىندە قازاقستاننىڭ ءتوراعالىق ەتۋىمەن «اۋعانستان مەن ورتالىق ازيادا ايماقتىق سەرىكتەستىكتى قاۋىپسىزدىك پەن دامۋدىڭ ءوزارا تاۋەلدىلىك ۇلگىسىندە قۇرۋ» تاقىرىبىمەن مينيسترلىك دەڭگەيىندە دەباتتار وتكىزىلدى.

 «قازاقستاننىڭ جەتىستىكتەرى تۋرالى ايتا كەلە، ءبىز «لاڭكەستىكتەن ازات الەمگە قول جەتكىزۋ ءتارتىبى» كودەكسىن اتاپ ءوتۋىمىز كەرەك. بۇل قۇجاتتىڭ نەگىزگى يدەياسى - سەرىكتەس ەلدەردىڭ حالىقارالىق كواليتسياسىن قۇرۋ» ، - دەپ اتاپ ءوتتى ق ر سىرتقى ىستەر ءمينيسترىنىڭ ورىنباسارى.

 ول سونداي- اق قازاقستاندىق تاراپ دايىنداعان بۇل قۇجاتتى الەمنىڭ 74 ەلىنىڭ وكىلدەرى قولداعانىن ەسكە سالدى.

ەرجان اشىقبايەۆتىڭ ايتۋىنشا، قازاقستاندىق ديپلوماتتاردىڭ جۇمىسىنىڭ ارقاسىندا قول جەتكىزىلگەن تاعى ءبىر جەتىستىك - 2009 -جىلى ەريترەياعا قارسى سالىنعان سانكسيالاردى الىپ تاستاۋ. بۇۇ قاۋىپسىزدىك كەڭەسى قابىلداعان قارارعا قارۋ- جاراق ەمبارگوسىن الىپ تاستاۋ، جول جۇرۋگە تىيىم سالۋدى، اكتيۆتەردى توقتاتۋدى جانە ماقساتتى سانكسيالاردى جويۋ كىرەدى.

 ءوز كەزەگىندە ب ۇ ۇ بەيبىتشىلىك جانە قاۋىپسىزدىك ماسەلەلەرى بويىنشا ءبولىمىنىڭ باسشىسى روري كين قازاقستاننىڭ ءتوراعالىعى كەزىندە ۇيىمداستىرىلعان ب ۇ ۇ ق ك دەلەگاتسياسىنىڭ 2018 -جىلدىڭ قاڭتار ايىندا كابۋلعا ساپارىن ماڭىزدى وقيعا دەپ اتادى.

  روري كين قازاقستاننىڭ بولاشاق ءۇشىن قاۋىپ توندىرەتىن، سونىڭ ىشىندە يادرولىق قارۋسىزدانۋ سياقتى ماڭىزدى ماسەلەلەردى شەشۋ جولىنداعى ۇلەسىن جوعارى باعالادى. ول قازاقستاننىڭ باستاماسىمەن يادرولىق سىناقتارعا قارسى ءىس- قيمىلدىڭ حالىقارالىق كۇن ءتارتىبى بەكىتىلگەنىن اتاپ ءوتتى.

 ءوز تاراپىنان بەلگيانىڭ بۇۇ قك- دەگى مۇشەلىگى بويىنشا ۇيلەستىرۋشىسى بەرت ۆەرمەسەن قازاقستاننىڭ جاھاندىق يادرولىق قارۋسىزدانۋ، جاپپاي قىرىپ- جويۋ قارۋلارىن تاراتپاۋ جانە بيولوگيالىق قاۋىپتەر سالاسىندا قابىلداپ وتىرعان شارالارىنا جوعارى باعاسىن بەردى. ول قازاقستان پرەزيدەنتى نۇرسۇلتان نازاربايەۆتىڭ سەمەي يادرولىق سىناق پوليگونىن جابۋ جانە قازاقستاننىڭ كولەمى جونىنەن الەمدە ءتورتىنشى ورىنداعى يادرولىق ارسەنالدان باس تارتۋ تۋرالى جىگەرلى شەشىمىنىڭ تاريحي ماڭىزى مەن ونىڭ الەم ءۇشىن ماڭىزدىلىعىنا نازار اۋدارتتى.

 «ءبىز قازاقستاننىڭ ب ۇ ۇ ق ك- نە تۇراقتى ەمەس مۇشەسى رەتىندەگى ءرولىن قولداپ، ونى قاڭتار ايىنداعى ءتوراعالىعىن تابىستى جۇرگىزۋىمەن قۇتتىقتايمىز. ەۋروپالىق وداق قازاقستاننىڭ جانجالداردى بولدىرماۋ جانە رەتتەۋ بويىنشا حالىقارالىق جانە ايماقتىق دەڭگەيدە ۇلەسى مەن كۇش سالۋىن جوعارى باعالايدى» ، - دەپ اتاپ ءوتتى ەۋروپالىق وداقتىڭ سىرتقى ىستەر قىزمەتىنىڭ ورتالىق ازيا بويىنشا باسقارماسىنىڭ باسشىسى بوريس ياروشيەۆيچ.

 ونىڭ پىكىرىنشە، قازاقستان مەن ەۋرووداقتىڭ يرانمەن يادرولىق مامىلەگە قاتىستى كوزقاراسى ورتاق.

 «مەن پرەزيدەنت نۇرسۇلتان نازاربايەۆتىڭ ا ق ش، رەسەي، قىتاي جانە ەو كوشباسشىلارىنا جاھاندىق جانە ايماقتىق قاۋىپسىزدىكتى تۇراقسىزداندىراتىن جانجالداردىڭ الدىندا ۇلتتىق، ايماقتىق جانە جاھاندىق دامۋدىڭ جاڭا جولدارىن ىزدەۋگە بايلانىستى ارناعان ۇندەۋىنە نازار اۋدارتقىم كەلىپ وتىر» ، - دەدى ەۋروپالىق ديپلومات.

 بۇل رەتتە ماڭىزدى پروبلەمالاردى تالقىلاۋ ءۇشىن استانا الاڭىن پايدالانۋعا بولادى نەمەسە بۇل ماسەلەلەر ب ۇ ۇ باس اسسامبلەياسىنىڭ ارنايى سەسسياسىنىڭ اياسىندا قاراستىرىلا الادى، دەپ سانايدى ول.

 بوريس ياروشيەۆيچ وسىنداي كەزدەسۋدى جوعارى دەڭگەيدە ۇيىمداستىرۋ مۇمكىندىكتەرىن الداعى ۋاقىتتا ق ر جانە ە و ساراپشىلارى پىسىقتايتىنى تۋرالى ايتتى.

 «ە و قازاقستاننىڭ بەيبىتشىلىك، تۇراقتىلىق جانە قاۋىپسىزدىك ماسەلەلەرىن كوتەرۋدە ارتىپ كەلە جاتقان ءرولىن قولداپ وتىر» ، - دەپ قوستى ول.

ءوز كەزەگىندە ەۋروپالىق پارلامەنت (ە پ) دەپۋتاتى، ەپ شەتەل ىستەرى جونىندەگى كوميتەتىنىڭ مۇشەسى اندرەيس مامىكينس «سوڭعى بەس جىلدا قازاقستاننىڭ حالىقارالىق ارەنادا كوپ بايقالعانىن» اتاپ ءوتتى.

 اندرەيس مامىكينس قازاقستاننىڭ «مادەني ديپلوماتياسىنىڭ» الەۋەتىنە دە تەرەڭ سەنىمدى.

«قازاقستاننىڭ مادەني مۇراسى زور. ەكى تاراپ - قازاقستان مەن ە و ەكىجاقتى قاتىناستا مادەنيەتكە ۇلكەن كوڭىل بولەتىنىنەن ۇمىتتەنەمىن. سەبەبى مادەني قۇندىلىقتار ءوزارا بايلانىسقان الەمدە ورتاق قورىتىندى بولىپ تابىلادى» ، - دەدى ساياساتكەر.


:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات