+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

جاستىقتى ۇزارتاتىن بەس ءونىم انىقتالدى

6 جەلتوقسان 03:16 80
:ءبولىسۋ
جاستىقتى ۇزارتاتىن بەس ءونىم انىقتالدى

 استانا. قازاقپارات - دارىگەرلەردىڭ ءتۇرلى زەرتتەۋلەرى ءومىردى ۇزارتۋ ءۇشىن دۇرىس تاماقتانۋدىڭ ماڭىزدىلىعىن دالەلدەدى.

قولدا بار مالىمەتتەرگە سۇيەنە وتىرىپ، ساراپشىلار جاستىقتى ۇزارتاتىن بەس ءونىمدى اتاي الدى.

ءبىرىنشى ورىندى بانان يەلەندى. بۇل ونىمدەردىڭ قۇرامىندا كالي كوپ، سول سەبەپتى دە ولاردى تۇتىنۋ ادامنىڭ جۇرەگىنە جاقسى اسەر ەتەدى. باناندار ميدى وتتەگىمەن قامتاماسىز ەتەدى. عالىمداردىڭ انىقتاۋى بويىنشا، ادامنىڭ ويلاۋ جۇيەسى نەعۇرلىم جاقسى جۇمىس ىستەسە، ونىڭ ءومىرى دە سوعۇرلىم ۇزاعىراق بولادى ەكەن.

ەكىنشى ورىندى جاڭعاقتار ەنشىلەدى. ولاردىڭ قۇرامىندا پايدالى ماي قىشقىلدارى بار جانە اعزاعا جاقسى اسەر ەتەدى. جاڭعاقتار قان تامىرلاردى قاتايتادى، اعزانى اقۋىزبەن جانە دارۋمەندەرمەن قامتاماسىز ەتەدى، سوندىقتان دا ولاردى كوبىنە كوپ سپورتشىلار تۇتىنادى.

تىزىمدەگى ءۇشىنشى ورىندى بالىق قۇرادى. ولاردىڭ قۇرامىندا ومەگا-3 بار. بۇل قىشقىلدار تەرىگە وڭ اسەر ەتەدى جانە سىرتقى كەلبەتكە جانە جۇرەككە دە جاقسى. سكۋمبريا، اقسەركە، ساردينا جانە باسقا دا بالىقتاردى ءجيى تۇتىنۋ قارتايعاندا جادىنىڭ جوعالۋىنان ساقتايدى.

ءتورتىنشى ورىندى ساراپشىلار جەمىستەرگە بەردى. ولار اعزانى ءتۇرلى ينفەكسيالاردان ساقتايدى. قاراقات، يتمۇرىن، تاڭقۋراي جانە وزگە دە جەمىس- جيدەكتەر ادامداردى ءتۇرلى قابىنۋلاردان ساقتاپ، ۇزاق جاساۋعا جول اشادى.

بەسىنشى ورىندى ونكولوگيالىق اۋرۋلاردىڭ الدىن الۋعا كومەكتەسەتىن قىرىققابات يەلەندى.

دارىگەرلەردىڭ ايتۋىنشا، ءدال وسى ونىمدەرگە عانا تۇتىنىپ، ءومىردى ۇزارتامىن دەگەن پىكىر قاتە. بۇل جەردە كەشەندى تۇردە ازىق- تۇلىكتى تۇتىنعان ابزال. دەسە دە، كۇندەلىكتى تاماقتانۋدا ءوز راتسيونىڭىزدان ەت، مايلى تاعامدى شەكتەپ، جەمىستەر مەن كوكونىستەردى كوبىرەك پايدالانعان دۇرىس. ءدال وسى ۇستانىم ارقىلى ۇزاق ءومىر ءسۇرۋ مۇمكىندىگى جوعارى.

 

دەرەككوزى: ​orthodox.od.ua


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات