+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

نەگە ەر ادامدار تىڭداي بىلمەيدى؟

5 جەلتوقسان 20:53 64
:ءبولىسۋ
نەگە ەر ادامدار تىڭداي بىلمەيدى؟

 استانا. قازاقپارات - بۇگىن نە قىزىق بولعانىن نەمەسە ءسىزدى ىزالاندىرعان ءبىر جايتتى ايتۋ كەزىندە سۇيىكتىڭىزدىڭ «كەشىر، نە دەيسىڭ؟» دەگەن كەزدەرى بولا ما؟

بۇل جاعدايدا ءسىز ايعايدى باستاساڭىز، كومەگى بولارىنا كۇمان بار.

ەر ادامنىڭ ءبىزدى انامىزداي نە قۇربىمىزداي تىڭدايتىنىن كۇتەمىز. ونىڭ تىڭداعىسى كەلمەۋىنىڭ سەبەپتەرى بار ما؟

1-سەبەپ. ونىڭ سىزبەن كەلىسۋىن كۇتەسىز

قارىم- قاتىناستىڭ باستاپقى كەزىندە ول ءسىزدى مۇقيات تىڭدايتىن ەدى. ءبىراق بىردە ول تىڭداۋدى دوعاردى.. . كوپتەگەن ارۋ ءۇشىن «تىڭداۋ» - «قۇپتاۋ» تۇسىنىگىمەن ءبىر ماندەس. ال ەرلەر ءۇشىن بىرەۋدىڭ ماسەلەسى تىڭداۋدى ەمەس، شەشىمىن تابۋدى قاجەت ەتەدى. ال ەگەر ول قۇپتاۋدى كۇتىپ وتىرعانىڭىزدى سەزسە، تىڭداۋدى توقتاتادى. سەبەبى ەشكىم ءوزىنىڭ پىكىرىن ىسىرىپ، وتىرىك قۇپتاعىسى كەلمەيدى.

مۇنداي جاعدايدا نە ىستەۋ كەرەك؟

وعان ءوز پىكىرىن ەركىن ايتۋىنا مۇمكىندىك بەرىڭىز. ەش سىن ايتپاي تىڭدايتىنىڭىزدى جەتكىزىڭىز. ەكەۋىڭىزدىڭ پىكىرىڭىز ەكى ءتۇرلى بولاتىنىن تۇسىنە ءبىلۋىڭىز ماڭىزدى.

ونىڭ پىكىرىنىڭ استارىندا ونىڭ مىنەزىنىڭ قىر-سىرى اشىلادى. بۇل ءادىستىڭ كومەگىمەن سۇيىكتىڭىزدى جاڭا قىرىنان تانۋعا مۇمكىندىگىڭىز بار.

2-سەبەپ. ماسەلەنى ەگجەي- تەگجەيىنە دەيىن تالقىلاۋدى ءجون كورەسىز

نازىك جاندىلار جاعدايدى بۇگە-شىگەسىنە دەيىن ناقتىلاپ ايتۋ كەرەك دەپ ويلايدى. سەبەبى ەرى جاعدايدى تولىقتاي ءتۇسىنىپ، كوزىنە ەلەستەتە الادى.

ال نەگىزىندە، ەر ادامدار «توق ەتەرىن» كۇتەدى. ولار بۇگە-شىگەسىنە دەيىن ايتۋدى قاجەت ەمەس دەپ سانايدى.

سۇراققا جەتكەنشە ءسىز 5 مينۋت بويى بۇكىل جاعدايدى سيپاتتاپ وتەسىز. ەر ادام ءۇشىن بۇل تىم ۇزاق.

ەر ادامعا ءسىزدىڭ كوڭىلىڭىز ماڭىزدى. ءبىراق ول ماسەلەنى تولىق تىڭداۋدان گورى، باستى سۇراقتى ءبىلىپ، سونىڭ شەشىمىن تابۋدى ءجون كورەدى.

نە ىستەۋىڭىز كەرەك؟

الدىمەن سۇراعىڭىزدى قويىپ، كەڭەس كۇتەتىنىڭىزدى ايتىڭىز. سودان سوڭ ماسەلەنىڭ سيپاتىنا كوشىڭىز. ءبىراق اڭگىمەڭىز 2-3 مينۋتتان ارتىق ۋاقىتقا سوزىلماۋى كەرەك.

اراسىندا «پاۋزا» جاساپ، پىكىرىن سۇراپ وتىرىڭىز. سوندا ول ءسىزدى تىڭداپ، ءار سوزىڭىزگە ءمان بەرەدى.

3-سەبەپ. وعان اسەر ەتۋگە تىرىساسىز

ەر ادام قوعامدا ءوز ورنىن تابۋ ءۇشىن ماقساتتارىنا جەتۋگە تىرىسادى. ابىروي مەن قۇرمەت ءۇشىن باسقا ەر ادامدارمەن باسەكەگە تۇسەدى. ەڭ بولماعاندا، ءسىز وعان باسەكەلەس بولماۋىڭىز كەرەك.

قازىردە ايەل ادامداردىڭ ەرلەردەن ەش كەمى جوق. جۇمىس تا ىستەيدى، مانساپتا دا كوتەرىلەدى، تابىسقا دا جەتەدى. الايدا، سۇيىكتىڭىزدىڭ الدىندا جاڭا كولىگىڭىزبەن، سپورتتىق جەتىستىكتەرىڭىزبەن، ۇلعايعان تابىسىڭىزبەن كوپ ماقتانا بەرمەڭىز.

بۇل ارينە وعان اسەر ەتەدى. ءبىراق بۇل كوبىنە ونىڭ رولىنە لايىق ەكەنىن ۇمىتپاعايسىز. ءوزىنىڭ جەتىستىكتەرىمەن تاڭعالدىرۋ - ەرلەرگە ءتان قاسيەت.

وعان ءسىزدىڭ جەتىستىكتەرىڭىزدەن گورى، نازىك قىلىقتارىڭىز بەن قولداۋىڭىز قاجەت. ال ەرلەردەن اسىپ تۇسەتىن، جەتەكشىلىك قاسيەتتى ءبىرىنشى ورىنعا قوياتىن ارۋلاردان ەرلەر قورقادى.

نە ىستەۋىڭىز كەرەك؟

وعان ونىڭ جاقسى قاسيەتتەرىن ايتا ءبىلىڭىز. جۇمىستا پايدا بولعان قيىندىقتارىنىڭ شەشىمىن تابا الاتىنىنا سەندىرىڭىز. ونىڭ جەتەكشىلىك قاسيەتتەرىن دامىتۋعا تىرىسىڭىز.

 


باستى سوزدەر: الةم,
:ءبولىسۋ

اأتور:

novasa

ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات