تەز شارشاۋىمىزدىڭ سەبەبى نەدە؟

None
None
 استانا. قازاقپارات - ۇيقىنىڭ قانباۋى - كۇنىمەن شارشاڭقى كۇيدە ءجۇرۋىمىزدىڭ جالعىز سەبەبى ەمەس.

ماماندار ادامداردىڭ ءوزىن شارشاڭقى سەزىنۋىنىڭ باستى سەبەپتەرىن انىقتادى. سولارعا نازار سالايىق.

1. شارشاڭقى كۇيدە جاتتىعۋدان باس تارتۋ

كوپتەگەن ادامدار جاتتىعۋ زالىنا بارماسام، كۇش- قۋاتىمدى ۇنەمدەيمىن دەپ ويلايدى. الايدا، بۇل - قاتە پىكىر. كەرىسىنشە، سپورت سىزگە قۋات بەرەدى. زەرتتەۋ ناتيجەسى بويىنشا، كوپ وتىراتىن ادامدار سپورتپەن 6 اپتا اينالىسقاننان كەيىن ولاردا قوسىمشا قۋات پايدا بولادى. اپتاسىنا 3 مەزگىل 20 مينۋتتىق جاتتىعۋدىڭ ءوزى دە جەتكىلىكتى.

فيزيكالىق جاتتىعۋلار كۇش پەن توزىمدىلىكتى ارتتىرىپ، جۇرەك قىزمەتىن جاقسارتىپ، اعزانىڭ وتتەك پەن ءنارلى زاتتاردى جاقسىراق سىڭىرۋىنە كومەكتەسەدى. سوندىقتان، ەگەر بۇگىن جاتتىعۋ زالىنا بارۋعا ۋاقىتىڭىز بولماسا، ەڭ بولماعاندا دالاعا شىعىپ، سەرۋەندەپ كەلىڭىز.

2. سۋدىڭ جەتىسپەۋى

تەحاس ديەتولوگى ەمي گۋدسون اعزاداعى سۋدىڭ مولشەرى نورمادان 2 پايىزعا ازايىپ كەتسە، كۇش- قۋاتىمىز تومەندەيدى دەگەن تۇجىرىمعا كەلدى. اعزاعا سۋ جەتىسپەسە، قان كولەمى ازايىپ، قويۋلانادى. جۇرەك قان اينالىمىنىڭ قىزمەتىن توقتاتپاۋ ءۇشىن كوبىرەك قۋاتتى تالاپ ەتەدى.

3. تەمىردىڭ جەتىسپەۋى

اعزاعا تەمىر جەتىسپەسە ءوزىڭىزدى باياۋ، اشۋلانشاق، ءالسىز سەزىنەسىز. مۇنىڭ جانە قانازدىقتىڭ الدىن الۋ ءۇشىن ۇرمە بۇرشاق، جاسىل كوكونىستەر، جاڭعاق جانە جەرجاڭعاق مايى سەكىلدى تاعامدارمەن تاماقتانۋىڭىز كەرەك.

4. پەرفەكتسيونيست بولۋ

پەرفەكتسيونيستەر - ۇنەمى دامىپ وتىرۋعا تىرىساتىن، الدىنا ءجيى قيىن، جاڭا ماقساتتار قويىپ، ولارعا جەتۋگە بارىن سالاتىن جاندار. ولار قينالىپ، تەرلەپ- تەپشىپ جەتكەن ماقساتقا شىن جۇرەكتەن قۋانا دا المايدى. سەبەبى، جەتۋ جولى تىم اۋىر بولادى. پسيحولوگتار ولارعا جۇمىسقا اسا كوپ ۋاقىت بولمەي، دەمالىپ تۇرۋعا كەڭەس بەرەدى.

5. تۇيمەدەيدى تۇيەدەي ەتۋ

ۇنەمى قوبالجىپ، قاۋىپتەنىپ جۇرەتىن ادام پسيحولوگيالىق تۇرعىدا تەز شارشايدى. سوندىقتان، جامان ويدان ءوزىڭىزدى اۋلاق ۇستاڭىز، تەرەڭ دەم الىپ، جىميىپ، «ءبارى جاقسى بولاتىنىنا» ءوزىڭىزدى سەندىرىڭىز. ەگەر بۇل ءادىس كومەكتەسپەسە، مەديتاتسيا، سپورت نەمەسە بيمەن اينالىسۋىڭىزعا بولادى.

6. تاڭعى استى ىشپەۋ

تاماق - اعزامىزدىڭ جانارمايى. ءبىز ۇيىقتاپ جاتقاندا اعزامىز كۇنىمەن العان كۇشتى قان اينالىمى مەن وتتەكتى قالپىندا ۇستاۋ ءۇشىن پايدالانادى. سوندىقتان، تاڭەرتەڭ تاماقتانىپ ءجۇرۋىڭىز كەرەك. تاڭعى اسقا ميۋسلي، سۇلى بوتقاسىن، جەرجاڭعاق مايىن، قارا نان نەمەسە يوگۋرت جەۋىڭىزگە بولادى.

 

سوڭعى جاڭالىقتار