قازاقتىڭ اتبەگىلىك ءداستۇرى يۋنەسكو تىزىمىنە ەندى

None
None
 استانا. قازاقپارات - ماتەريالدىق ەمەس مادەني مۇرانى (م ە م م) قورعاۋ جونىندەگى ۇكىمەتارالىق كوميتەت اتالعان قازاقستاندىق ۇسىنىستاردى ءوزىنىڭ 2018 -جىلعى 26 - قاراشا مەن 1 - جەلتوقسان ارالىعىندا ماۆريكي رەسپۋبليكاسىنىڭ استاناسى پورت- لۋي قالاسىندا ءوتىپ جاتقان 13- سەسسياسى اياسىندا ماقۇلداپ، قازاق اتبەگىلەرىنىڭ كوكتەمگى جورالعىلارى ادامزاتتىڭ ماتەريالدىق ەمەس مادەني مۇرالارىنىڭ تىزىمىنە ەنگىزىلدى.

بۇل تۋرالى ق ر مادەنيەت جانە سپورت مينيسترلىگىنىڭ باسپا ءسوز قىزمەتى مالىمدەدى. «قازاق جىلقىشىلارىنىڭ ءداستۇرلى كوكتەمگى ادەت- عۇرىپتارى» حالقىمىزدىڭ «قىمىزمۇرىندىق» ، «بيە بايلاۋ» جانە «ايعىر قوسۋ» دەگەن جورالعىلارىن قامتيدى.

قازاقستان يۋنەسكو- نىڭ وسى بەدەلدى قۇرىلىمىنىڭ جۇمىسىنا العاش رەت تولىققاندى مۇشە رەتىندە قاتىسۋدا. وتاندىق دەلەگاتسيانىڭ قۇرامىندا يۋنەسكو جانە يسەسكو ىستەرى جونىندەگى ۇلتتىق كوميسسيا مەن يۋنەسكو جانىنداعى تۇراقتى وكىلدىك قىزمەتكەرلەرى جانە « ۇلىتاۋ» قورىق- مۇراجايىنىڭ ديرەكتورى باقتيار قوجاحمەتوۆ بار.

سەسسيا اتالعان جورالعىلاردى ادامزاتتىڭ ماتەريالدىق ەمەس مادەني مۇراسىنا قوسۋ جولىندا ايانباي تەر توككەن جانە جوعارىدا اتالعان نوميناتسيانىڭ اۆتورى، « ۇلىتاۋ» قورىق- مۇراجايىنىڭ عىلىمي قىزمەتكەرى ەلەنا حوروشتى ءبىر مينۋتتىق ۇنسىزدىكپەن ەسكە الۋمەن باستالدى. ەلەنا حوروش بۇدان بۇرىنىراق دۇنيەجۇزىلىك مۇرا تىزىمىنە قوجا احمەت ياسساۋي كەسەنەسى مەن تامعالى پەتروگليفتەرىن قوسۋعا بەلسەندى ات سالىسقان ەدى.

«ايعىر قوسۋ» ، «بيە بايلاۋ» جانە «قىمىز مۇرىندىق» جورالعىلارى تۇتاس قازاقستاندا تەك تەرىساققان اۋىلىندا ساقتالعان. « ۇلىتاۋ» قورىق- مۇراجايى بۇل جورالعىلاردى كوزدىڭ قاراشىعىنداي ساقتاۋ ىسىنە 2010 -جىلدان كىرىستى. 2012 -جىلى اتالعان جورالعىلاردى «تەرىساققان كوكتەمى» فەستيۆالىنە اينالدىردىق. 2014 -جىلى سونداي فەستيۆالىمىزگە قازاقستان رەسپۋبليكاسىنىڭ يۋنەسكو جونىندەگى ۇلتتىق كوميسسيا مۇشەلەرى ە م م ا ۋسمانوۆا مەن ەلەنا حوروش كەلىپ كوردى جانە ونى يۋنەسكو- نىڭ ماتەريالدىق ەمەس مادەني مۇراسىنا قوسۋعا بولادى دەگەن وي ايتىپ كەتتى. 2015 -جىلى يۋنەسكو جونىندەگى ۇلتتىق كوميسسيا ءتوراعاسى حانزادا ەسەنوۆا كەلىپ قاتىستى. ارتىنشا قازاقستاننىڭ ۇلتتىق ماتەريالدىق ەمەس ەسكەرتكىشتەرى تىزىمىنە ەنگىزىلدى. » - دەپ اتاپ ءوتتى « ۇلىتاۋ» ۇلتتىق تاريحي- مادەني جانە تابيعي قورىق- مۇراجاي ديرەكتورى باقتيار قوجاحمەتوۆ.

سونىمەن قاتار، وسى جىلدارى «تەرىساققان كوكتەمى» ەتنوفەستيۆالى تۋرالى ەكى دەرەكتى فيلم ءتۇسىرىلدى ونىڭ ءبىرىنشىسىن وڭتۇستىك كورەيانىڭ تاپسىرىسىمەن «قازاقفيلم» كينوستۋدياسى تۇسىرگەن بولاتىن. ال، ەكىنشىسى «قازاق جىلقىشىلارىنىڭ ءداستۇرلى كوكتەمگى مەرەكەلىك جورالعىلارى» دەگەن اتپەن يۋنەسكو- نىڭ رەسمي سايتىندا جاريالاندى.

«بىرەر كۇن بۇرىن ءبىزدىڭ ۇسىنىس يۋنەسكو تاراپىنان قولداۋ تاۋىپ، ادامزاتتىڭ ماتەريالدىق ەمەس مادەني مۇراسىنىڭ رەپرەزەنتاتيۆتىك تىزىمىنە ەنگىزىپ كەلدىك. بىرىنشىدەن، بۇل - كوپ جىلعى ەڭبەكتىڭ كوپتەن كۇتكەن جەمىسى. ەكىنشىدەن، يۋنەسكو- نىڭ ادامزاتتىڭ ماتەريالدىق ەمەس مادەني مۇراسى دەپ تانۋى وسى جورالعىلارعا جوعارى مارتەبە بەرىپ قويمايدى سونىمەن قاتار، ونى حالىقارالىق قورعاۋعا الادى. ياعني كوزدىڭ قاراشىعىنداي ساقتالىپ، كەيىنگى ۇرپاققا مۇرا بولىپ قالادى دەگەن ءسوز. وسىلايشا اتالعان جورالعىلاردى تەك تەرىسااقاندىقتارعا، ءيا بولماسا ۇلىتاۋ مەن قاراعاندىلىقتارعا ەمەس، تۇتاس ەلگە ناسيحاتتاۋ جاۋاپكەرشىلىگى جۇكتەلدى دەگەن ءسوز» دەپ قورىتىندىلادى ءوز ءسوزىن « ۇلىتاۋ» ۇلتتىق تاريحي- مادەني جانە تابيعي قورىق- مۇراجاي ديرەكتورى باقتيار قوجاحمەتوۆ.

« ۇلىتاۋ» قورىق- مۇراجايى بۇل جورالعىلاردى جاقىن بولاشاقتا كوشپەندى مادەنيەتكە قاتىسى بار باۋىرلاس ەلدەرگە كەڭىنەن تاراتۋدى جوسپارلاپ وتىر.

سوڭعى جاڭالىقتار