+7 (701) 759 90 19 Лента
-11 °С : استانا
-6 °С : الماتى
USD 371.56 EUR 422.43
RUB 5.56 CNY 53.51
جاڭالىقتار

استانا تۇرعىندارى جالعان ەلەكتر ماماندارى تۋرالى ەسكەرتىلدى

5 جەلتوقسان 19:29 33
:ءبولىسۋ
استانا تۇرعىندارى جالعان ەلەكتر ماماندارى تۋرالى ەسكەرتىلدى

استانا. قازاقپارات - «استاناەنەرگوسەرۆيس» ا ق Facebook-تەگى رەسمي پاراقشاسىندا اتاۋى بىردەي ۇيىمنىڭ قالا تۇرعىندارىن ءورت پايدا بولادى دەپ قورقىتىپ، ەلەكتر سىمدارىن اۋىستىرۋ قىزمەتىن ۇسىنىپ جۇرگەن زاڭعا قايشى ارەكەتتەرى تۋرالى ەسكەرتتى، دەپ حابارلايدى «قازاقپارات» ح ا ا.

«بىزگە ەلوردا تۇرعىندارىنان كومپانيالاردىڭ ءبىرىنىڭ ارەكەتتەرىنە بايلانىستى ءبىراز شاعىمدارى كەلىپ تۇسكەن. اتالعان ۇيىم كومپانيامىزدىڭ اتاۋىن پايدالانىپ، حالىققا ەلەكتر سىمدارىن تەكسەرۋ جانە اۋىستىرۋ قىزمەتىن ۇسىنىپ ءجۇر. بۇل ۇيىمنىڭ «استاناەنەرگوسەرۆيس» ا ق- عا ەش قاتىسى جوق ەكەنىن اتاپ ءوتۋ كەرەك. ءبىزدىڭ كومپانيا پاتەرلەردە ەلەكتر سىمدارىن تەكسەرمەيدى، اۋىستىرمايدى. «استاناەنەرگوسەرۆيس» ا ق كومپانيالار توبى جىلۋ جانە ەلەكتر ەنەرگياسىن ءوندىرۋ جانە تاسىمالداۋمەن اينالىسادى»، - دەلىنگەن حابارلامادا.

«تۇرعىندار قىزمەتىن ۇسىنعان ۇيىمنىڭ ولاردى ەگەر ەلەكتر سىمدارىن اۋىستىرماسا، ءورت پايدا بولادى دەپ قورقىتقانىن ايتتى. ەڭ كوپ شاعىم زەينەتكەرلەر، بالالار مەن نەمەرەلەردەن كەلىپ ءتۇستى»، - دەپ حابارلادى «استاناەنەرگوسەرۆيس».

كومپانيا تۇرعىنداردى قىراعىلىق تانىتۋعا شاقىردى: قۇجاتتاردى تەكسەرىپ وتىرۋ، سىمداردىڭ اقاۋلىعىنا كوزدەرىنە جەتپەي، قىزمەت كورسەتۋگە كەلىسپەۋ، قىزمەت كورسەتەتىن ۇيىم، كوممۋنالدىق قىزمەتكە جۇگىنۋ، ال الدانعانىن سەزسە - بىردەن پوليتسياعا شاعىمدانۋدى كەڭەس ەتتى.


باستى سوزدەر: قوعام, استانا,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات