ءبىر كوزىن كەسىپ تاستادى: لينزامەن دۋشقا تۇسكەن ايەل كوزىنەن ايىرىلدى

  استانا. قازاقپارات - بەلگيالىق ايەل لينزاسىن شەشپەي دۋشقا شومىلعانى ءۇشىن كوز جانارىنان ايىرىلدى.

2015 -جىلى پەترا ۆان كالمتاۋت كونتانتىلى لينزاسىن شەشپەي دۋش قابىلدايدى. ەرتەسى كۇنى كوزى اۋىرىپ، تاڭعا جۋىق اۋرۋى كۇشەيە تۇسەدى.

دارىگەرگە قارالعاندا مامان كوزگە ارنالعان تامشىلار مەن ماز جازىپ بەرەدى. الايدا كوزى اۋىرعانىن قويمايدى. دارىگەرلەر وعان اكانتامەبتى كەراتيت دياگنوزىن قويادى. دارىگەرلەر ناۋقاستىڭ وڭ جاق كوزىنەن امەبانى بايقايدى. حيرۋرگتەر ەكى رەت ءبىرتورلى امەبانى الىپ تاستاماق بولعانىمەن ناتيجە شىقپاعان. سوندىقتان ونىڭ ءبىر كوزىن الۋعا تۋرا كەلەدى.

كالماۋت 3 جىل كوزىن جاۋىپ جۇرۋگە ءماجبۇر بولدى. كەيىن كوزىنە پروتەز جاساپ بەردى.

«سۋدىڭ زيانىنان كوپ ۋايىمعا سالىندىم. ءومىرىم وزگەرىپ كەتتى. ەندى پروتەز جاسالعان سوڭ قايتا ءوزىمدى قولعا الدىم»، - دەيدى ول.

ايەل پروتەز سالىسىمەن ءبىر كۇن بويى ديسكوتەكاعا بارىپ بيلەمەك نيەتتە.

بەلگيادا اكانتامەبتى كەراتيت دەرتىمەن ورتا ەسەپپەن جىلىنا 45 ادام اۋىرادى. ولاردىڭ باسىم بولىگى لينزانى دۇرىس پايدالانباعاندىقتان وسىنداي زيان شەگەدى. دارىگەرلەر لينزانى سۋعا شومىلار الدىندا شەشۋگە كەڭەس بەرەدى. لينزانى تەك قانا ارنايى سۇيىقتىقپەن جۋۋ كەرەك ەكەنىن ايتادى.

Stan.kz