20:48, 04 - جەلتوقسان 2018 | GMT +6
ۇلكەن الماتى كولىندە كونكيمەن سىرعاناعان قىزدىڭ ۆيدەوسىن ميلليون ادام كورگەن
الماتى. قازاقپارات - الماتىلىق ستۋدەنت كسەنيا پانكراتوۆا ۇلكەن الماتى كولىندە كونكيمەن سىرعاناۋى الماتىلىقتاردىڭ اراسىندا ەكى ۇداي پىكىر تۋدىردى، دەپ حابارلايدى قازاقپارات ءتىلشىسى.
الەۋمەتتىك جەلىدە جاريالانعان بۇل بەينەروليكتى 2 اپتا ىشىندە 1 ميلليون ادام قاراعان.
الەۋمەتتىك جەلى قولدانۋشىلارىنىڭ كوپشىلىگى بويجەتكەننىڭ ءبيى مەن سىرعاناۋ مانەرىنە تاڭ قالىستى. كەيبىرەۋلەر بۇل ۆيدەونىڭ كانادا كولدەرىندە، سىبىردەگى بايكال كولىندە تۇسىرىلگەن دەپ توپشىلاعان.
ال قولدانۋشىلاردىڭ كەيبىرى بۇل ۆيدەونى زاڭعا قايشى دەپ تاپتى.
«ۇلكەن الماتى كولى قالانىڭ اۋىز سۋى رەزەرۆۋارى بولىپ تابىلادى. بۇل قىز قالايشا سونى تاپتاپ، ۇستىندە ءجۇر. شەكارا قىزمەتكەرلەرى، قاراۋىلدار قايدا؟ ءبىز ەندى وسى سۋدى ىشەمىز بە؟ » ، دەگەن اشۋلى كوممەنتاريلەر قالدىردى.
Посмотреть эту публикацию в InstagramКак же это красиво😍😱 #uz_video