قازۇۋ نانوسپۋتنيگى عارىشقا ءساتتى جىبەرىلدى
نانوسپۋتنيك 4 - جەلتوقساندا استانا ۋاقىتى بويىنشا00: 32 دە كاليفورنيا (ا ق ش) شتاتى عارىش الاڭىنداعى ۆاندەنبەرگ اسكەري- اۋە بازاسىندا «Falcon 9» زىمىران تاسىمالداۋشىسىمەن ۇشىرىلدى. نانوسپۋتنيك شتاتتىق كەستەدە جۇمىس ىستەيدى.
«Аl-Farabi-2» نانوسپۋتنيگى ۇزدىك يننوۆاتسيالىق تەحنولوگيالاردى، قازاقستاندىق پاتەنتپەن قورعالعان اپپاراتتىڭ نەگىزگى كومپونەنتتەرىن جانە توراپتارىن وزىنە بىرىكتىرەدى. ول عىلىمي ءتۇپ نۇسقالاردى، تەحنولوگيالىق جانە ءبىلىم بەرۋ تاپسىرمالارىن شەشۋگە ارنالعان، سونىمەن بىرگە قازۇۋ عالىمدارى جاساعان شاعىن عارىشتىق اپپاراتقا ارنالعان بورتتى كومپيۋتەردىڭ ەلەكتروندى كومپونەنتتەرىن تاجىريبەدەن وتكىزۋگە مۇمكىندىك بەرەدى. عىلىمي- زەرتتەۋ جۇمىستاردىڭ جانە ەكسپەريمەنتتەردىڭ ناتيجەلەرى قازاقستان اۋە- عارىش سالاسىنا جانە ۋنيۆەرسيتەتتىڭ شەتەلدىك سەرىكتەستەرىنە قۇندى جانە وزەكتى بولماق.
«قازاقستان رەسپۋبليكاسىنىڭ تاۋەلسىزدىك كۇنى قارساڭىندا قازاقستاندىق نانوسپۋتنيكتىڭ اشىق عارىشتا ىسكە قوسىلۋى - قازاقستاندىق عىلىم مەن سپۋتنيك قۇراستىرۋ تاريحىندا تاعى ءبىر ماڭىزدى كەزەندى ايعاقتايدى. قازۇۋ نانوسپۋتنيگى وسىمەن ەكىنشى رەت عارىشقا ەنگىزىلدى. ءبىرىنشى «Аl-Farabi-» عارىشقا 2017 -جىلدىڭ 15- اقپانىندا ءۇندىستانداعى ساتيش دحاۆان اتىنداعى عارىش الاڭىنان جىبەرىلگەن بولاتىن. ول تۇرىك الەمىنىڭ كورنەكتى وقىمىستىسى، ءبىزدىڭ ۋنيۆەرسيتەتكە ەسىمى بەرىلگەن ءال- فارابيدىڭ قۇرمەتىنە اتالعان بولاتىن» ، - دەپ اتادى جوبا جەتەكشىسى اكادەميك عالىم مۇتانوۆ.
عارىشتىق تەحنولوگيالار سالاسىندا ۇلتتىق عىلىمي مەكتەپ قۇرۋ، جوبالاۋ، قۇراستىرۋ جانە نانوسپۋتنيكتەردى ۇشىرۋ بويىنشا كەڭ كولەمدى جوبا، وسى سالادا جوعارى بىلىكتى مامانداردى دايارلاۋ قازۇۋ- دا حالىقارالىق «UNIFORM» كونسورتسيۋمى اياسىندا 2013 -جىلدان بەرى جۇزەگە اسىرىلىپ كەلەدى.
ءال- فارابي اتىنداعى قازۇۋ قازاقستاندى «سيفرلى داۋىرگە» ەنگىزۋ بويىنشا « ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا ارنالعان جولداۋدا ايتىلعان ەلباسى تاپسىرمالارىن ورىنداۋدا ماقساتتى تۇردە جۇمىستار جۇرگىزۋدە. عىلىمدى قاجەت ەتەتىن جاڭا تەحنولوگيالاردى جانە تەحنيكالىق، سونىڭ ىشىندە عارىشتىق سالادا قۇرالداردى قۇرۋ ۋنيۆەرسيتەت قىزمەتىندەگى باسىم باعىتتار بولىپ تابىلادى.