رەسەيدىڭ ينتەللەكتۋالدارى ديماش قۇدايبەرگەندى قوناققا شاقىردى

استانا. قازاقپارات - قازاقستاندىق ءانشى ديماش قۇدايبەرگەن رەسەي تەلەارناسىنداعى «نە؟ قايدا؟ قاشان؟ » باعدارلاماسىندا ونەر كورسەتتى، دەپ حابارلايدى قازاقپارات ءتىلشىسى.

عالامتوردا ديماشتىڭ ينتەللەكتۋالدار كلۋبىنىڭ اۋلاسىندا ونەر كورسەتىپ جاتقان ۆيدەوسى جاريالاندى. وندا ول «ليۋبوۆ ۋستاۆشيح لەبەدەي» ءانىن ورىندايدى. ال پيانينودا - تانىمال كومپوزيتور يگور كرۋتوي.

ايتا كەتەيىك، ءدال وسى انمەن ديماش قۇدايبەرگەن كرەملدىڭ ساحناسىنا شىققان بولاتىن. ال كۇنى كەشە ديماش ماسكەۋدەگى «وليمپييسكيي» سپورت كەشەنىندە وتكەن «جىل ءانى» فەستيۆالىندە ونەر كورسەتتى. «جىل ءانى. «وليمپييسكي»، راقمەت! ماەسترو يگور ياكوۆليەۆيچ كرۋتوي، سىزگە ۇلكەن راقمەت، ءسىزدىڭ سىپايىلىعىڭىز ءۇشىن، ءسىزدىڭ ماعان جانە مەنىڭ حالقىما دەگەن ماحابباتىڭىز ءۇشىن مىڭ العىس! ءسىز، شىنىمەن دە، كرۋتويسىز! ۇلكەن راقمەت»، - دەپ جازدى ديماش ءوزىنىڭ الەۋمەتتىك پاراقشاسىندا.

ەسكە سالايىق، كۇنى كەشە عانا قازاقستاندىق ءانشى لوندوندا جەكە كونسەرتىن وتكىزدى. وعان الەمنىڭ ءتۇرلى ەلدەرىنەن جانكۇيەرلەر جينالدى.

  «Іndigo at the O2» كونسەرتتىك زالىندا وتكەن كەرەمەت كونسەرتىنەن سوڭ ديماش ءبىرقاتار شەتەلدىك ب ا ق وكىلدەرىنە سۇحبات بەردى. الداعى 8 - جەلتوقسان كۇنى د. قۇدايبەرگەن «الەم ارۋى-2018» بايقاۋىندا ءان ايتاتىنى جوسپارلانعان.