ەلوردا اكىمى مەرەكە كۇنى دۇنيەگە كەلگەن نارەستەلەردى قۇتتىقتادى

None
None
استانا. قازاقپارات - استانا قالاسىنىڭ اكىمى باقىت سۇلتانوۆ 1- جەلتوقسان مەرەكەسى كۇنى بوسانعان انالاردى قۇتتىقتادى.

بۇگىن ەلوردا باسشىسى 1№ پەريناتالدىق ورتالىقتا بولىپ قايتتى، دەپ حابارلايدى قازاقپارات ءتىلشىسى.

اكىمدىك اقپاراتىنا سايكەس، ق ر تۇڭعىش پرەزيدەنتى كۇنى قالا بويىنشا قازىرگى ۋاقىتتا 16 ءسابي دۇنيە ەسىگىن اشقان. ونىڭ 9 - ەر بالا، 7 - قىز.

باقىت سۇلتانوۆ بولعان 1№ پەريناتالدىق ورتالىقتا وسى مەزەتكە دەيىن 8 نارەستە تۋعان، ونىڭ بەسەۋى ەر بالا، ۇشەۋى - قىز. جالپى كۇن اياعىنا دەيىن قالا بويىنشا تاعى 30 بالا دۇنيەگە كەلەتىنى كۇتىلۋدە.

«بۇگىنگى ەرەكشە كۇنى دۇنيەگە كەلگەن سابيلەر دە ەرەكشە بولادى دەگەن سەنىمدەمىز. ءبىز ءۇشىن ەڭ باستىسى نارەستەلەر مەن انالار دەنساۋلىقتارىنىڭ مىقتى بولۋى. مەرەكە كۇنى دۇنيەگە كەلگەن جانە كەلەتىن بارلىق سابيگە امان-ساۋ بولۋىمەن قاتار، ايتۋلى ەل ازاماتى بولىپ وسۋىنە تىلەكتەسپىز»، - دەدى قالا باسشىسى.

قۇتتىقتاۋمەن قاتار، بوسانعان انالارعا اكىمدىك اتىنان العىس حاتتار مەن گۇل شوقتارى، سابيلەرگە ارنالعان اربالار، نارەستەگە قاجەتتى جيىنتىقتار، بالانىڭ كۇتىمى بويىنشا نۇسقاۋلىق تابىس ەتىلدى.

«بۇگىن وتباسىمىز ءۇشىن ەرەكشە كۇن، كوپتەن كۇتكەن قۋانىشقا كەنەلۋدەمىز. ويتكەنى، بۇل ءسابيدى 3 جىل بويى كۇتتىك. شىنىمدى ايتسام، بوسانۋىمدى وسى كۇنگە سايكەس كەلەدى دەپ ويلامادىم. مەن ءۇشىن بالانى امان-ساۋ دۇنيەگە اكەلۋ ماڭىزدى بولدى. ەسىمىن ءالى تاڭداعان جوقپىز، ەلباسىنىڭ ەسىمىن بەرەيىك دەسەك، جولداسىمنىڭ اتى دا نۇرسۇلتان»، - دەيدى جاس انا ديانا ىسقاقوۆا.

ايتا كەتسەك، اتالعان ورتالىقتا جىلىنا شامامەن 12 مىڭ ءسابي دۇنيەگە كەلەدى.

سوڭعى جاڭالىقتار