مەملەكەتتىك قىزمەتتىڭ جاڭا مودەلى قانداي بولماق

قوستاناي. قازاقپارات - ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى اليك شپەكبايەۆ قوستاناي وبلىسى اكتيۆىمەن كەزدەسۋ وتكىزدى، دەپ حابارلايدى قازاقپارات.

وبلىستىق فيلارمونيادا وتكەن اكتيۆ جيىنىندا مەملەكەتتىك قىزمەتتىڭ جاڭا مودەلىنە كوشۋ بارىسى تالقىلانىپ، سىبايلاس جەمقورلىققا قارسى كۇرەس پەن مەملەكەتتىك قىزمەت سالاسىندا بولىپ جاتقان وزگە دە رەفورمالىق وزگەرىستەر جايى ءسوز بولدى. سونداي-اق، مەملەكەتتىك قىزمەتشىلەردىڭ ەڭبەكاقىسىن تولەۋ جۇيەسىن جەتىلدىرۋ ماسەلەسى تالقىلانىپ، كاسىپكەرلىكتى جەمقورلىقتان قورعاۋ شارالارىن كۇشەيتۋ كەرەكتىگى ايتىلدى.

اگەنتتىك ءتوراعاسىنىڭ سوزىنشە، ەڭ باستىسى - سىبايلاس جەمقورلىققا قارسى كۇرەس بۇقارالىق سيپاتقا يە بولۋى ءتيىس. جاڭا عانا باستالعان «قوستاناي - ادالدىق الاڭى» جوباسى دا وسى ماقساتتى كوزدەيدى.

«بۇگىندە مەملەكەتتىك قىزمەتتى جەتىلدىرۋ جانە سىبايلاس جەمقورلىققا قارسى ساياساتتى كۇشەيتۋ باعىتىندا ءبىرتالاي ءىس اتقارىلدى. قازاقستان قوعامى كوررۋپتسيادان ادا زاماناۋي قۇقىقتىق مەملەكەت قۇرۋعا كۇش سالىپ جاتىر. ەلىمىزدەگى بارلىق مەملەكەتتىك قىزمەتتەردىڭ %47 ى ەلەكتروندى جۇيەدە جۇزەگە اسىرىلادى. الداعى ۋاقىتتا بۇل كورسەتكىشتى %90 عا جەتكىزۋ كوزدەلىپ وتىر. قالعان %10 سەرۆيستىك ۇيىمدار، مەملەكەتتىك كورپوراتسيالار ارقىلى اتقارىلادى»، - دەدى ا. شپەكبايەۆ.

ەسكە سالساق، ەلباسى بيىلعى جولداۋىندا مەملەكەتتىك قىزمەتتەردى تسيفرلىق جۇيەدە ۇسىنۋدى تاپسىرعان بولاتىن. ناتيجەسىندە، 2019 -جىلى مەملەكەتتىك قىزمەتتىڭ %80، ال 2020 -جىلى %90 ەلەكتروندى فورماتقا اۋىسادى.

اگەنتتىك ءتوراعاسى سىبايلاس جەمقورلىققا قارسى كۇرەستىڭ باستى تەتىگى زاڭداردىڭ ورىندالۋى ەكەنىنە باسا توقتالدى.

«مەملەكەت باسشىسىنىڭ 2015-2025 -جىلدارعا ارنالعان سىبايلاس جەمقورلىققا قارسى ستراتەگيا تۋرالى جارلىعى شىقتى. «ۇلت جوسپارى» شەڭبەرىندە 60-تان استام جاڭا زاڭ قابىلداندى. ەندىگى مىندەت - وسى زاڭداردىڭ ۇستەمدىگىن تولىققاندى قامتاماسىز ەتۋ. الدا اتقارىلاتىن شارۋا كوپ. سوندىقتان ءبىر ورىندا تۇرىپ قالماۋىمىز كەرەك. بىزدە كاسىبي مەملەكەتتىك اپپاراتتى قالىپتاستىرۋ ءۇشىن بارلىق مۇمكىندىكتەر بار، - دەدى ول.

اليك شپەكبايەۆ ايتقانداي، قازاقستاندا مەملەكەتتىك قىزمەتتەگى ايەلدەردىڭ ۇلەسى %55 عا جەتكەن. ونىڭ %29 باسشىلىق لاۋازىمداردا قىزمەت ەتەدى. ويتكەنى بۇگىندە ايەل ادامعا دەگەن سەنىم كۇشەيگەن.

«ايەلدەر ەر ادامدارعا قاراعاندا، ادال ءارى مىندەتىنە تياناقتى قاراپ، جەمقورلىق تاۋەكەلىنە وڭايلىقپەن بارا قويمايدى. جۋىردا استانادا «ازيا- تىنىق مۇحيتى» فورۋمىن وتكىزدىك. فورۋمعا كەلگەن شەتەلدىك ارىپتەستەرىمىزبەن پىكىر- تاجىريبە الماستىق. ءبىر تۇسىنگەنىم - شەتەلدە سىبايلاس جەمقورلىققا قارسى كۇرەستىڭ باسى- قاسىندا كوبىنە ايەلدەر جۇرەدى ەكەن. بۇل باعىتتاعى جۇمىستار بىزدە دە جاندانۋى ءتيىس»، - دەدى اگەنتتىك ءتوراعاسى.

ايتا كەتەيىك، قوستاناي وبلىس اكىمدىگى مەن قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى «قوستاناي - ادالدىق الاڭى» اتتى بىرلەسكەن جوبانى قولعا الدى.