يتتەر تۋرالى تاڭعاجايىپ دەرەكتەر
وسىعان وراي ءۇي جانۋارلارىنىڭ ءبىرى، ادامنىڭ ادال دوسى يت تۋرالى قىزىقتى دەرەكتەر ۇسىنباقپىز.
1. يتتەر 250 گە دەيىن ءسوزدى جانە ىم- يشارانى تۇسىنەدى جانە بەسكە دەيىن ەسەپتەپ، قاراپايىم ماتەماتيكالىق ماسەلەلەردى شەشە الادى. ينتەللەكتۋالدى تۇردە ولار ەكى جاستاعى بالانىڭ دەڭگەيىندە.
2. يتتەر قۇشاقتاعاندى ۇناتپايدى! ولار ءۇشىن بۇل - باسىمدىقتىڭ بەلگىسى. سوندىقتان، ءيتتى قۇشاقتاي بەرۋدىڭ دوعارعان ءجون!
3. يتتەر ۋلترادىبىستىق ىسقىرىقتاردى اجىراتادى. مۇنى بىلگەن پول ماككارتني شوتلانديالىق وۆچاركاسىنا ارناپ «دەن جيزني» ءانىنىڭ سوڭىنا وسى دىبىستى جازعان.
4. ەجەلگى قىتايدا يمپەراتوردىڭ سوڭعى قورعاۋ جەلىسى پەكينەس تۇقىمدى كىشكەنتاي يت بولعان. ول كيىمنىڭ جەڭىندە جاسىرىنىپ، قاۋىپ تونگەن جاعدايدا سەكىرىپ شىعىپ، قوجايىنىنىڭ دۇشپانىنا شابۋىل جاساعان.
5. كەمبريدجدىڭ كوللەدجىندە وقىپ جۇرگەن لورد بايرون ءيتىن وقۋ ورنىنا كىرگىزبەي قويعاندا، ونىڭ ورنىنا قونجىق اكەلگەن.
6. ءيىستىڭ قايدان شىعىپ تۇرعانىن انىقتاۋ ءۇشىن ءيتتىڭ مۇرنى دىمقىل بولۋى كەرەك.
7. ءچيپى بار قارعىباۋ العاش رەت ەجەلگى گرەتسيادا ويلاپ تابىلدى. ونى يتتەردىڭ موينىن قاسقىردىڭ شابۋىلىنان قورعاۋ ءۇشىن قولدانعان.
8. ەگەر يتىڭىزدەن چيپسىنىڭ ءيىسى شىقسا، ول چيپسى ۇرلاپ جەدى دەگەن ءسوز ەمەس. عىلىمدا «Frito Feet» دەگەن فەنومەن بار. ءيتتىڭ اياق- قولىندا باكتەريالار كوپ جينالىپ قالسا، ودان جۇگەرىنىڭ ءدامى بار چيپسىنىڭ ءيىسى شىعادى. وعان سەبەپ - سەرۋەندەپ كەلگەننەن كەيىن گيگيەنالىق ەرەجەلەردىڭ ساقتالماۋىندا.
9. Banks اتتى بوكسشى يت پەن Buttons دەپ اتالاتىن قاز بۇكىل جۇرت سۇيسىنگەن ايىرىلماس دوستار. يت اپاتقا ءتۇسىپ، سوقىر بولىپ قالعاننان كەيىن قاز ەكەۋى دوستاسىپ كەتەدى. قاز وعان اياعىنان تۇرۋعا كومەكتەسىپ، سوقىر دوسىن جەتەكتەپ ءجۇردى. Buttons دوسىن موينىمەن يتەرىپ، قاڭعىلداپ باعىت بەرەدى جانە ەشقاشان ونى جالعىز قالدىرمايدى.
10. شىن مانىندە، يتتەر ىشەدى. ءتىلىن قاسىق ءتارىزدى قايىرىپ، جوعارىعا ەمەس، تومەنگە قايىرىپ ىشەدى.
11. كۇشىكتە 28 ءتىس، ال ەرەسەك يتتەردە - 42 ءتىس بولادى.
12. ۇلكەن ءيتتىڭ جۇرەگى ءدال ادامدىكى سەكىلدى. سونداي- اق، تىنىش جاعدايدا ءيتتىڭ جۇرەگى مينۋتىنا 60 تان 100 گە دەيىن سوعادى، ال كىشكەنتاي يتتەردىكى 100-140 قا دەيىن جەتەدى.
13. ءيتى بار ادامداردىڭ %72 ى جانۋارلارى داۋىلدى الدىن- الا بولجاي الادى دەپ ەسەپتەيدى. تاماشا ەستۋ قابىلەتىنىڭ ارقاسىندا يتتەر اۋا- رايىن بولجاي الادى. ولاردىڭ ەستۋ قابىلەتى ادامدارعا قاراعاندا 10 ەسە ارتىق دامىعان.
14. يتتە ءۇش جۇپ قاباق بولادى. ۇستىڭگى، تومەنگى جانە كوزدى مايلاپ، قورعايتىن مەمبرانالىق قاباق.
15. يتتەردە 1700 دامدىك رەتسەپتور بولادى. سالىستىرىپ قارايتىن بولساق، ادامدا 9000 دامدىك رەتسەپتور بار.
16. يتتەر ءيىستى ادامدارعا قاراعاندا 10,000 - 100,000 ەسە ارتىق سەزەدى.
17. تاتتىلەر تۋرالى ايتاتىن بولساق، شوكولاد يتتەر ءۇشىن قاۋىپتى. وندا ورتالىق جۇيكە جۇيەسى مەن ءيتتىڭ جۇرەك بۇلشىقەتىنە اسەر ەتەتىن تەوبرومين بار. ادامدا بۇل زات ەنزيمدەردى بۇزادى.
18. ەستەرىڭىزدە بولسىن، ءيتتىڭ ويىنشا ءسىز توپتىڭ كوشباسشىسىز.
19. يتتەر ينستينكتيۆتى تۇردە كەز- كەلگەن ءىس- ارەكەتتىڭ الدىندا كوشباسشىنىڭ ماقۇلداۋىن كۇتىپ، تالاپ ەتەدى.
20. يتتەر ادامدار سياقتى جىلدام تاماقتانعاندا نەمەسە ىشكەندە ىقىلىقتايدى.
21. ادام بالاسى سەكىلدى، چيحۋاۋلار دا جۇمساق جەرمەن، ەڭبەكپەن دۇنيەگە كەلەدى. ياعني، ونىڭ باس سۇيەگىنىڭ ۇستىڭگى بولىگى سابيلەردىكى سەكىلدى جاسىنا قاراي قاتايادى.
22. ولار سۋدان ۇنەمى قۇرعاق شىعادى. سونىڭ ىشىندە نيۋفاۋندلەندى يتتەر سۋعا تۇسسە دە سۋ بولمايدى. سونداي- اق، جارعاقتى اياعىنىڭ ارقاسىندا سۋدا كەرەمەت جۇزەدى.
23. ەڭ جىلدام يت ستار تايتل دەپ اتالاتىن گرەيحاۋند. ونىڭ ەڭ جوعارى جىلدامدىعى ساعاتىنا 67,32 شاقىرىمدى قۇرايدى. الايدا، بۇل كورسەتكىش 1994 -جىلدان بەرى جاڭعىرمادى.
24. وكىنىشكە وراي سەمىزدىك يتتەردىڭ دەنساۋلىعىنىڭ باستى ماسەلەسى بولىپ تابىلادى.
25. دۇنيە جۇزىندە تەك ءيتتىڭ 703 ءتۇرى عانا اسىل تۇقىمدى.
26. يتتەر بەلگىلى ءبىر نىساندى الدىمەن ونىڭ قوزعالىسى ارقىلى، سودان كەيىن جارىقتىعىنا جانە پىشىنىنە قاراپ جورامالدايدى.
27. رين تين تين دەپ اتالاتىن يت «گولليۆۋد جۇلدىزى» اتانعان العاشقى يت بولدى. سونداي- اق، ول بارلىق اتاقتى ادامدار سياقتى ءوزى تۇسكەن 22 فيلمنىڭ كەلىسىمىنە تابانىن باسىپ قول قويعان.
28. ءيتتىڭ مۇرنى نەعۇرلىم ۇزىن بولسا، ونىڭ ىشكى سۋىتۋ جۇيەسى سوعۇرلىم جاقسى جۇمىس ىستەيدى.
29. 1988 -جىلى ا ق ش- تىڭ كەدەندىك باقىلاۋىندا روككي مەن باركو ەسىمدى يتتەر قىزمەت ەتكەن. ولار تەحاس پەن مەكسيكا اراسىنداعى شەكارانى باقىلاۋدا سونشالىقتى جاقسى جۇمىس ىستەدى، سونداي- اق مەكسيكانىڭ ەسىرتكى ساتۋشىلارى ولاردىڭ باسى ءۇشىن 30 مىڭ دوللار كولەمىندە سىياقى تاعايىنداعان.
30. يتتەردىڭ %45 ى قوجايىندارىنىڭ توسەگىندە ۇيىقتايدى.
31. الدىڭعى تابانىمەن وينايتىن يتتەر وسى ارەكەتىنە بايلانىستى بوكسشى يت دەپ اتالىپ كەتكەن.
32. چيحۋاحۋا تۇقىمدى يت العاش رەت مەكسيكا جەرىنەن تابىلدى جانە مەكسيكاداعى چيحۋاحۋا شتاتىنىڭ قۇرمەتىنە وسىلاي اتالدى.
33. كۇشىكتەر دۇنيەگە كەلگەننەن كەيىن تەك ءبىر ايدان كەيىن عانا دۇرىس كورە باستايدى.
34. لۋندەحۋند تۇقىمدى يتتەردىڭ ءار تابانىندا 6 ساۋساق بولادى.
35. حريستياندىقتاردىڭ كيەلى كىتابىندا يتتەر تۋرالى 14 رەت ايتىلادى.
36. تيتانيك قيراعان كەزدە ءۇش يت امان قالعان. ولار - نيۋفاۋندلەند، پومەراندىق شپيتس جانە پەكينەس تۇقىمدى يتتەر. سونداي- اق، ءۇش يت تە كەمە سۋعا باتاردا ءبىرىنشى كلاستا بولعان.
37. ءيتتى العاش رەت 2005 -جىلى وڭتۇستىك كورەيالىق عالىم حۆان ۋسوك كلوندادى. بۇگىندە بۇل ءراسىم 100,000 دوللار تۇرادى.
38. ماكس دەپ اتالاتىن تەرەر تۇقىمدى ەڭ قۇرمەتتى يت 2013 -جىلدىڭ تامىزىندا 30 جاسقا تولدى. ادامي نورمالار بويىنشا بۇل 210 -جىل!
39. نازار اۋدارىڭىزدار، دابىل سيگنالىنىڭ انالوگى يتتەردە قۇيرىقتى سول جاعىنا بۇلعاقتاتۋ بولىپ تابىلادى.
40. يتتەر كولىك جۇرگىزۋدى دە ۇيرەنگەن. جاڭا زەلانديانىڭ جانۋارلاردىڭ قۇقىقتارىن قورعاۋ جونىندەگى قوعامى يتتەرگە تاجىريبە جاسادى. ناتيجەسىندە ءۇش يت كولىكتى تىك جولمەن ايداۋدى ۇيرەنىپ، ءتىپتى بۇرىپ كورگەن.
41. تۇقىمى ەڭ بيىك يت نەمىس ءيتى دەپ اتالادى. ول ارتقى اياعىمەن تۇرادى جانە ونىڭ بويىنىڭ بيىكتىگى 2, 20 مەترگە جەتەدى.
42. ەڭ كىشكەنتاي يت Heaven Sent Brandy دەپ اتالاتىن چيحۋاحۋا. ونىڭ سالماعى 900 گرامم، ال بويى Coca-Cola-نىڭ قۇتىسىنداي الاسا.
43. جانۋارلار تۋرالى العاشقى زاڭ 17-18- عاسىرلاردا جاپونيادا قابىلداندى. ول زاڭعا سايكەس يتتەردى ولتىرگەندەر ءولىم جازاسىنا كەسىلگەن. ال قالا تۇرعىندارى قاڭعىباس يتتەرگە ۇلكەن قۇرمەت كورسەتۋگە ءتيىس بولعان.
44. كانار ارالىنىڭ جەرگىلىكتى تۇرعىندارى كەزىندە يتكە تابىنعاندىقتان، كانار ارالدارى يتتەردىڭ قۇرمەتىنە وسىلاي اتالعان. ال «كانارەي» قۇستارى - وسى ارالداردىڭ قۇرمەتىنە وسىنداي اتاۋعا يە بولدى.
45. XIV عاسىردىڭ «ميتروپوليچەنىڭ ادىلەتتىگى» اتتى زاڭدار جيناعىنا سايكەس، ەجەلگى رۋستە يت 3 جىلقى نەمەسە ءبىر وتار قوي سەكىلدى باعالانعان.
46. يتتەر قاسقىردىڭ تىكەلەي ۇرپاعى بولىپ تابىلادى.
47. ءيتتىڭ جىرتقىش تابيعاتى ونىڭ تاماقتانۋىن انىقتايدى. يتتەر مۇمكىندىگىنشە بيولوگيالىق، ياعني قاسقىر سياقتى كوپ مولشەردە جانۋار اقۋىزىن جەۋ كەرەك.
48. «@» بەلگىسىن رەسەيلىكتەر يت تاڭباسى دەپ اتايدى. ءبىراق باسقا ەلدەردە بۇل ۇلۋ، مايمىل، شترۋدەل، مايشاباق جانە قازاق تىلىندە ايدىڭ قۇلاعى، ياعني ايقۇلاق دەپ اتالادى.
49. ك س ر و- دا لايكا ەسىمدى ءيتتى عارىشقا جىبەرگەن كەزدە، ونىڭ ولەتىنى بەلگىلى بولعان. سول كەزدە ك س رو- نىڭ جانۋارلارعا دەگەن وسىنداي كوزقاراسى ءميسسيسيپيدىڭ ءۇي شارۋاسىنداعى ايەلدەرىن قاتتى اشۋلاندىردى. سوندا ولار ب ۇۇ- نا حات جازىپ، «ەگەر عىلىمدى دامىتۋ ءۇشىن ءتىرى تىرشىلىك يەسىن عارىشقا جىبەرۋ كەرەك بولسا، وندا ءبىزدىڭ قالامىزدا قارا ءناسىلدى ادامدار قاپتاپ ءجۇر» دەپ تاجىريبەگە قارا ءناسىلدى ادامداردى الۋدى ۇسىنعان.
50. ءيتى بار ادامداردىڭ %66 ى باسقا ادامدارعا قاراعاندا كوبىرەك قوزعالادى.
Stan.kz