استانانىڭ ەڭ دارىندى وقۋشىسى انىقتالدى

استانا. قازاقپارات - وقۋشىلار سارايىندا قازاقستان رەسپۋبليكاسى تۇڭعىش پرەزيدەنتى كۇنىنە ارنالعان قالالىق ءبىلىم بەرۋ مەكەمەلەرىنىڭ وقۋشىلارى اراسىندا«كوشباسشى وقۋشى» اتتى زياتكەرلىك سايىس ءوتتى، دەپ حابارلايدى استانا قالاسى اكىمدىگىنىڭ رەسمي سايتى.

كونكۋرس تاقىرىبى: «استانا - ۇلى دالا ەلورداسى». بايقاۋدىڭ ىرىكتەۋ كەزەڭىندە تەست قورىتىندىسى بويىنشا جوعارى ۇپاي جيناعان 12 وقۋشى كونكۋرستىڭ فينالىندا باق تالاستىردى.

«بۇل كونكۋرس جىل سايىن وتكىزىلەدى. ءبىزدىڭ جاستار وتە ءبىلىمدى، زەرەك جانە وتە تالانتتى. ولار ءتۇرلى وليمپيادالارعا، جارىستارعا قاتىسىپ جۇلدەلى ورىندار الادى. ۇيرەنۋگە، جەتىستىككە جەتۋگە تىرىسىڭدار، كەيىنگى ۇرپاققا ۇلگى بولىڭدار»، - دەدى «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى شولپان قيرابايەۆا.

قاتىسۋشىلار ءبىلىمىن ورتاعا سالىپ، وي-ءورىسىنىڭ كەڭدىگىن، شەشەندىك قابىلەتىن كورسەتتى. كونكۋرس جەڭىمپازدارى ديپلومدارمەن، باعالى سىيلىقتارمەن ماراپاتتالدى. باس جۇلدەنى قانجىعاسىنا 81№  «Astana English School» گيمنازياسىنىڭ وقۋشىسى ارۋجان وتاربەكوۆا بايلادى.