ءبىر وبلىستىڭ التى پروكۋرورى قىزمەتىنەن بوساتىلدى

بىشكەك. قازاقپارات - قىرعىزستاننىڭ وبلىستىق پروكۋرورى انارباي ماماجاكىپوۆ ولتىرىلگەن باتكەن وبلىسىندا التى پروكۋرور قىزمەتىنەن كەتتى.

بۇل تۋرالى قىرعىزستان باس پروكۋراتۋراسىنىڭ باسقارما باسشىسى زامير بەيشەكەيەۆ باسپا ءسوز ءماسليحاتى كەزىندە «كابار» اگەنتتىگىنە حابارلاعان.

پروكۋرور اتاپ وتكەندەي، قازىرگى ۋاقىتتا باتكەن وبلىسىندا سول كۇنى اڭ اۋلاۋعا شىققان پروكۋرورلاردى قىزمەتتىك تەرگەۋ اياقتالعان.

«پروكۋرور قىزمەتشىسىنىڭ ادەپ نورماسىن بۇزىپ، اڭ اۋلاۋعا شىققانى جانە سپيرتتىك ىشىمدىك ىشكەنى، اڭشىلىق ەرەجەسىن بۇزعانى، اتىس قارۋىن قولدانعانى ءۇشىن، سونداي-اق كالىكوۆتى ماس كۇيىندە اۆتوكولىك قۇرالىن جۇرگىزۋگە رۇقسات ەتكەنى ءۇشىن باتكەن وبلىستىق پروكۋرورىنىڭ 2 ورىنباسارى، وبلىستىق پروكۋراتۋرانىڭ 2 ءبولىم باسشىسى، باتكەن اۋدانىنىڭ پروكۋرورى جانە ونىڭ ورىنباسارى قازىرگى قىزمەتتەرىنەن بوساتىلدى جانە قىزمەتتەرى تومەندەتىلدى.

ەسكە سالايىق، وبلىستىق پروكۋرور انارباي ماماجاكىپوۆتىڭ ءمايىتى 18 -قاراشادا باتكەننەن تابىلعان. ونىڭ دەنەسىندە زورلىقپەن ءولتىرۋ بەلگىلەرى بولعان. كۇدىكتى رەتىندە كۇردەلى قۇرىلىس باسقارماسىنىڭ باسشىسى مەليس كالىكوۆ ۇستالدى. 20 -قاراشادا سوتتىڭ شەشىمىمەن ول 2 ايعا قامالدى.