عاجايىپ قازاقستان - «قازاقپارات» پەن «استانا» تەلەارناسى بىرلەسە ۇسىنادى

 استانا. قازاقپارات - «قازاقپارات» ح ا ا استانا تەلەارناسىمەن بىرىگىپ «عاجايىپ قازاقستان» دەرەكتى فيلمدەر توپتاماسىن ءتۇسىردى. جاقىندا بىرەگەي جوبانىڭ العاشقى سەرياسى كورەرمەنگە جول تارتتى.

«عاجايىپ قازاقستان» - بۇل قازىرگى قازاقستاننىڭ قۇپياسى اشىلماعان تابيعاتى، تىلسىم كۇشكە جانە شەشىلمەگەن جۇمباققا تولى عاجايىپ ورىندارى، سونداي- اق جاراتىلىسى ەرەكشە ادامدار. ەلىمىزدىڭ بارلىق وڭىرلەرىنەن سىر شەرتەتىن بىرەگەي ۆيدەووچەرك 25 بولىمنەن تۇرادى.

ءتۇسىرۋ توبى قازاقستاننىڭ ءار تۇكپىرىندە بولىپ، شالعاي اۋىلدارداعى ادامدارمەن تىلدەستى. قۇس قاناتى عانا جەتەتىن تۇمسا تابيعاتتى تاسپاعا ءتۇسىردى. ولاردىڭ اراسىندا شىعىس قازاقستان وبلىسىنداعى «قيىن كەرىش» شاتقالى، «اۋستريا يرەگى» تاۋ جولى، پاۆلودار وبلىسىنداعى باياناۋىل قورىعى، جامبىل وبلىسىنداعى توپاعاش، وڭتۇستىك قازاقستان وبلىسىنداعى اقمەشىت ۇڭگىرى سەكىلدى تابيعات ەسكەرتكىشتەرىن اتاپ وتۋگە بولادى.

سونىمەن قاتار، ءومىر جولى وزگەگە ۇلگى بولارلىق قاراپايىم تۇرعىندار دا فيلمنىڭ باستى كەيىپكەرى اتاندى. شىندىعىندا، بۇنداي جانداردىڭ ءاربىرىنىڭ تاعدىرى تۇتاستاي ءبىر فيلمگە ارقاۋ بولا الادى.

سونىڭ ءبىرى - ۇسىنىلىپ وتىرعان وسى فيلم. كوز جانارىنان ايرىلعان سوڭ قالادان اۋىلعا كەلگەن سەرىك ەسىمدى جىگىتتىڭ ءومىرى وزگەلەرگە ەش ۇقسامايدى. ول نەسيەگە ساتىپ الىنعان 8 ەشكىمەن تاۋعا كەتىپ، قويدى قۇلاعىنا قوڭىراۋ بايلاپ باقتى. سونىڭ دىبىسىمەن، اۋا قىسىمىمەن، جەلدىڭ باعىتىمەن تاۋ ىشىندە اداسپاي ءومىر ءسۇرىپ جاتىر.

 بۇدان بولەك، تەحنولوگيانىڭ سوڭعى جەتىستىكتەرىن مەڭگەرگەن ينجەنەر، تابىستى كاسىپكەر، ۇلتتىق ونەردى ناسيحاتتاۋشىلار - بۇلار دا فيلمنىڭ كەيىپكەرلەرى. «قازاقپارات» ح ا ا مەن «استانا» تەلەارناسى جۇزەگە اسىرعان بۇل ۆيدەووچەرك جۇرت كوڭىلىنەن شىعادى دەگەن ويدامىز. ويتكەنى «عاجايىپ قازاقستان» - ەستەتيكالىق تالعامى جوعارى كورەرمەن ءۇشىن پايدالى اقپاراتقا تولى تانىمدىق دۇنيە!