ءوز- وزىڭە قاراۋدىڭ تاعى ءبىر ءتاسىلى
ناتيجەسىندە ءوزى تۋرالى جاقسى قورىتىندى شىقسا، مارقايىپ، سول قالپىنان تانباۋعا تىرىسادى، ال ناشار قورىتىندىعا سەنگىسى كەلمەيدى. شىن مانىندە بويىنداعى بار كەمشىلىگىن كورسەتسە، ونى تۇزەتۋگە تالپىنادى. ال بۇگىن سىزدەرگە ءوز ىشىڭىزگە ءۇڭىلۋدىڭ تاعى ءبىر ءتاسىلىن ۇسىنامىز.
الدىمەن ۇلكەن پاراق الامىز. بالا كەزدەگىدەي، ۇستىنە الاقاندى قويىپ، بىلەكتى قوسا قالاممەن باستىرىپ شىعامىز. ءدال سۋرەتتەگىدەي بولۋ شارت ەمەس، باستىسى ساۋساقتارىڭىزدى مەيلىنشە الشاق قويساڭىز بولدى. ياعني ءبىز الاقانىمىزدىڭ سۇلباسىن قاعازعا تۇسىردىك. ەندى ءار ساۋساق ۇشىن ارىپتەرمەن بەلگىلەيمىز. ەڭ كىشى ساۋساق، شىناشاق ۇشى - (ءا)، باس بارماق - (ا)، ورتاڭعى ساۋساق - (ۆ)، سۇق ساۋساق (گ)، اتى جوق ساۋساق - (ب). سىزعىش ارقىلى ەكى نۇكتەنى قوسىپ، (ءاا) كەسىندىسىن الامىز. ورتاڭعى ساۋساق - (ۆ) نۇكتەسىنەن ءاا كەسىندىسىنە مەديانا تۇسىرەمىز. قيىلىسقان نۇكتەنى (و) دەپ بەلگىلەيمىز. (و) نۇكتەسىن سۇق ساۋساق (وگ) جانە اتى جوق ساۋساق (وب) ۇشتارىمەن قوسامىز. بىلەككە ەڭ جاقىن نۇكتەلەردى (ع) جانە (د) دەپ بەلگىلەيمىز دە، و نۇكتەسىمەن قوسامىز. كەسىندىلەردى ولشەپ (كوزبەن دە مولشەرلەۋگە بولادى) ، ەڭ ۇزىن كەسىندىنىڭ جاۋابىن وقيمىز.
(وا) - ءسىز تۋا بىتكەن بيلەۋشىسىز. ءسىزدىڭ ورنىڭىز مەملەكەتتىك بيلىك باسىندا. ارتىقشىلىعىڭىز - ءوزىڭىزدى قورشاعان ادامداردان ءبىر ساتى جوعارى تۇراسىز.
(وگ) - ءسىز جاۋىنگەرسىز. ستيحياڭىز - شايقاس. كەز كەلگەن جەردە شايقاسقا دايىن تۇراتىن قاسيەتىڭىزدى ورنىمەن قولدانساڭىز، جاپا شەكپەيسىز.
(وۆ) - جۇمىسىڭىز رۋحاني كوشباسشىلىقپەن بايلانىستى. اينالاڭىزداعى ادامداردى ءاردايىم ادامگەرشىلىككە ۇندەپ جۇرەسىز.
(وب) - ارتىستىك قابىلەتىڭىز جوعارى. ەگەر جاۋىنگەرلىك جول تاڭاداساڭىز، اتاققۇمارلىق نيەتىڭىز كۇيرەپ، بولاشاعىڭىز بۇلىڭعىرلانۋى ىقتيمال.
(وءا) - دارىگەر. ىستىق جۇرەكتى، سالقىن قاندى، اسا باتىل دەگەن سوزدەر ءدال سىزگە ارنالعان. سىزگە دەرەكسىز ەكونوميكا ەمەس، ادامنىڭ ساۋلىعىمەن اينالىسۋ كەرەك.
(وع) - ءسىز كاسىپكەرسىز. ءومىرىڭىز اقشامەن بايلانىستى. كەرەمەت ساۋداگەر، ۋاكىل، قارجىگەر، بانكير بولا الاسىز.
(ود) - ساقشىلارعا قاتىسىڭىز بار. سىزدەن تاماشا شەنەۋنىك نە وقىمىستى شىعادى. جۇمىستى كەز كەلگەن باعىتتا تاڭداي الاسىز. ءوز ءومىرىڭىزدى ناداندىقپەن كۇرەسكە نەمەسە زاتتاردىڭ رەتتىلىگىن ساقتاۋعا ارناۋىڭىزعا بولادى.