عىلىمي دەرەك: كۇلكى قالاي پايدا بولادى؟
كۇلكى مەحانيزمى تەك ازىلدەسكەن ۋاقىتتا نەمەسە وقيعانىڭ كۇلكىلى بولۋىنان تۋىندامايدى. ادامدارمەن جاقسى قارىم قاتىناس قۇرۋ ءۇشىن، جاعىمدى اسەر قالدىرۋ ءۇشىن دە ادام كۇلەدى. كۇلگەن كەزدە ميدا قانداي ءۇردىس جۇرەدى؟ كۇلكى فيزيولوگيا تۇرعىسىنان ديفراگمانىڭ قىسىلۋى مەن داۋىس تولقىنان تۋاتىن ارەكەت. كۇلكى ميدىڭ كوپىر ايماعىندا تۋىندايدى.
كۇلكىنىڭ تۋىنداۋىنا ادامنىڭ ءار قيمىلىنا جاۋاپتى ميشىق، ارالىق مي مەن ميدىڭ ەڭ كۇردەلى قۇرىلىمى گيپاتالامۋس قاتىسادى.
گيپوتالامۋس ورتىلىق مي جۇيەسىمەن بايلانىستى جۇيكە تالشىقتارىمەن بايلانىستى.
كۇلكى تۋرالى بەلگى ماڭداي جانە ساماي بولىكتەرىنىڭ قاتىسۋىمەن مي قابىعىندا تۇزىلەدى. ساماي بولىگى ءىس- ارەكەتتى تانۋعا مۇمكىندىك بەرەدى. ياعني، كۇلكى فيزيولوگياسى ميدىڭ ۇزدىكسىز اتقاراتىن قيىن جۇمىسى ەكەنىن تۇسىنۋگە بولادى. نەگە كۇلىپ وتىرىپ جىلايمىز؟ كۇلكىگە جاقىن فەنومەن - كوز جاسى. ويتكەنى، جاڭا تۋعان بالا جىلايدى جانە كۇلەدى. كوز جاسىنىڭ تۋىنداۋى مەن كۇلكى مەحانيزمى ءبىر- بىرىنە ۇقسايدى. قاتتى كۇلگەن كەزدە، مي قابىعىنىڭ بەلسەندىلىگى ارتادى دا، جۇيكە جاس كانالدارىن اشادى. سوندىقتان، ءبىر ۋاقىتتا جىلاپ، ءبىر ۋاقىتتا كۇلۋگە بولادى.