قىتايدا قازا تاپقان دينارا ەرەنوۆاعا قاتىستى ءمان-جاي بەلگىلى بولدى
بۇل تۋرالى بۇگىن ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«وزدەرىڭىزدە بىلەتىندەي، ازاماتشامىز دينارا ەرەنوۆا وتكەن اپتادا قىتايدا قايتىس بولدى. بەيجىڭدەگى كونسۋلىمىز بىردەن ونىڭ تۋعان- تۋىستارىمەن بايلانىسقا شىقتى. ءبىرىنشى كۇننەن باستاپ بىزدە كونسۋلمەن بايلانىسقا شىعىپ وتىرمىز. بۇگىن، 26 -قاراشادا دينارانىڭ ءولىمى تۋرالى قىتايلىق كۋالىك راسىمدەلدى»، - دەدى ول.
رەسمي وكىلدىڭ ايتۋىنشا، كەيبىر وتاندىق ب ا ق حابارلاعانداي، دينارا ەرەنوۆا ستۋدەنت ەمەس. ول قىتايدا جۇمىس ىستەپ جۇرگەن. گۋاڭجوۋعا تاقاۋ فوشان قالاسىندا تۇرعان.
«ونىڭ مۇردەسى فوشاننان گۋاڭجوۋ قالاسىنا جەتكىزىلدى. كونسۋلىمىز جان-جاقتى كومەك كورسەتۋ جانە قاجەتتى قۇجاتتاردى راسىمدەۋ ءۇشىن سول جاقتا ءجۇر. تاياۋ ۋاقىتتا مۇردە قازاقستانعا جەتكىزىلەدى دەپ ويلايمىز. قىزدىڭ تۋعان-تۋىستارى ءولىم سەبەبىن انىقتاۋ ءۇشىن مۇردەنى سويۋعا رۇقسات بەرمەدى. سەبەبى، قىتاي زاڭىنا سايكەس مۇنداي شارا شامامەن 30 كۇن ۋاقىتتا الادى. سوندىقتان تۋىستارى مۇردەنى ەلگە الىپ كەلمەك»، - دەدى ايبەك سمادياروۆ.