قازاقستاندىق وقۋشى حالىقارالىق ەمتيحانداردا تاڭعالارلىق ناتيجە كورسەتتى
بۇل تۋرالى نازاربايەۆ زياتكەرلىك مەكتەبىنىڭ Facebook-تەگى پاراقشاسىندا حابارلاندى.
ACT Americian College Testing ەمتيحانىن ا ق ش وقۋشىلارىنىڭ باسىم كوپشىلىگى جوعارى وقۋ ورىندارىنا ءتۇسۋ ءۇشىن تاپسىرادى. بەدەلدى وقۋ ورىندارى ACT دان 30-36 ۇپاي جيناعان تۇلەكتەردى قابىلدايدى. امەريكادا تەست تاپسىرعانداردىڭ %0,1 عانا بارلىق 36 سۇراققا دۇرىس جاۋاپ بەرگەن. ال باسقا ەلدەردە اتالمىش ەمتيحاندى ءجۇز پايىز مۇدىرمەي وتكەندەر سانى ساۋساقپەن سانارلىقتاي. ACT نىڭ ورتا كومپوزيتتىك ۇپاي كورسەتكىشى - 21,1.
ال SAT Subject Test ەمتيحانى ادەتتە، ا ق ش- تىڭ بەدەلدى وقۋ ورنىنا ءتۇسۋ ءۇشىن بەلگىلى ءبىر پروفيلدى ءپان بويىنشا تاپسىرىلادى. تەست وقۋشىنىڭ بەس باعىتتاعى ءبىلىم دەڭگەيىن (ءوز تاڭداۋى بويىنشا) انىقتاۋعا باعىتتالعان. اقنازار ماتەماتيكا، فيزيكا، بيولوگيا پاندەرىنەن تەست تاپسىرىپ، ءار پاننەن ەڭ جوعارى 800 ۇپايدان جيناعان. بۇدان باسقا، وقۋشىنىڭ IELTS حالىقارالىق ەمتيحانىنان العان ناتيجەسى 8,0 كورسەتتى.
اقنازاردىڭ بىرەگەي ناتيجەلەرى ونىڭ الەمنىڭ ۇزدىك ۋنيۆەرسيتەتتەرىنە تۇسۋىنە جول اشادى. زياتكەرلىك مەكتەپتىڭ بولاشاق تۇلەگى وقۋىن گارۆاردتا جالعاستىرۋدى جوسپارلاپ وتىر. قازىرگى تاڭدا قابىلداۋ كوميسسياسىنىڭ شەشىمىن كۇتۋدە.
بۇگىندە اقنازاردىڭ ەسىمى جاس تالانتتاردىڭ اراسىندا كەڭىنەن تانىمال. ونىڭ ديپلومدارى مەن مەدالدارىنان كوللەكسيا جيناقتالعان. ولاردىڭ اراسىندا جاۋتىكوۆ جانە ەيلەر وليمپيادالارىنان، نوۆوسىبىر، قىتاي جانە تاعى باسقا جارىستاردا العان ماراپاتتارى بار. اقنازار عىلىمنىڭ كەز كەلگەن تۇرىنەن سيرەك كەزدەسەتىن تالانتقا يە. بەيجىڭدە وتكەن S. -T Yau High School Science Awards اتتى الەمنىڭ كۇردەلى وليمپياداسىنداعى جەڭىسى ونىڭ ماتەماتيكاداعى قابىلەتىنىڭ جوعارى ەكەنىن دالەلدەدى.
2017-جىلدىڭ جازىندا يندونەزيادا فيزيكادان وتكەن حالىقارالىق وليمپيادادا قازاقستاندىق ۆۋندەركيند تاعى دا جەڭىسكە جەتكەن ەدى. بيىل ول 19-شى ازيا وليمپياداسىندا التىن جۇلدەگە يە بولدى. ول كەزدە اقنازار ماراپاتتاۋ سالتاناتىنا بارا المادى. سەبەبى، ول ا ق ش- تاعى Intel ISEF-2018 وقۋشىلار اراسىنداعى عىلىمي جوبالار سايىسىنا قاتىسىپ جاتقان ەدى. سونداي-اق، ول وسى جىلى تايلاندتا وتكەن جەر تۋرالى عىلىم IESO 2018-دە كۇمىس جۇلدەنى يەلەندى. فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىسى ماتەماتيكا بويىنشا عىلىمي ەۋروپالىق كونگرەستەردىڭ، سيمپوزيۋمداردىڭ قاتىسۋشىسى.