تۇركىستان وبلىسىندا جۇمىسسىزدىققا بولىنگەن قارجىلار تالان-تاراجعا تۇسكەن

تۇركىستان. قازاقپارات - تۇركىستان وبلىسىندا جۇمىسسىزدىقپەن كۇرەسۋگە بولىنگەن قارجىلار تالان-تاراجعا تۇسكەن.

زاڭبۇزۋشىلىقتار شاردارا اۋداندىق پروكۋراتۋرا قىزمەتكەرلەرىنىڭ حالىقتى جۇمىسپەن قامتۋ سالاسىنا جۇرگىزگەن تەكسەرۋلەر بارىسىندا انىقتالدى، دەپ حابارلايدى قازاقپارات ءتىلشىسى.

وبلىستىق پروكۋراتۋرانىڭ مالىمەتىنشە، اتالعان اۋدان تۇرعىندارى جاۋاپتى ماماندارمەن بىرلەسىپ، «جۇمىسپەن قامتۋ 2020 جول كارتاسى» مەن «ناتيجەلى جۇمىسپەن قامتۋدىڭ جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان» باعدارلامالارعا بولىنگەن قارجىلاردى جىمقىرعان. اتاپ ايتقاندا، اۋداننىڭ 22 تۇرعىنى جەرگىلىكتى جۇمىس بەرۋشىلەرمەن كەلىسىپ، جۇمىسپەن قامتۋ ورتالىعىن الداعانى دالەلدەندى.

وسىلايشا 2016-2017 -جىلدارى ارالىعىندا جاستار تاجىريبەسىنىڭ ءوتىپ جاتقانى جانە الەۋمەتتىك جۇمىس ورنىندا ەڭبەك ەتىپ جاتقانى جايلى جالعان تابەلدەردى ۇسىنىپ، 2 ميلليون تەڭگەگە جۋىق قارجىنى يەمدەگەن. ال، شىن مانىندە بۇل تۇلعالار جۇمىسسىزدارعا ارنالعان الەۋمەتتىك قولداۋمەن قامتىلماعان. سەبەبى ولاردىڭ وزدەرىنىڭ تۇراقتى جۇمىس ورىندارى بولعان.

«سوڭعىلاردىڭ ارەكەتتەرىندە قىلمىس قۇرامى بولعاندىقتان اتالعان دەرەك تىركەلدى. پروتسەسسۋالدىق شەشىم قابىلداۋ ءۇشىن قۇجاتتار اۋداندىق ءى ءى ب- نە جولداندى. سوتقا دەيىنگى تەرگەۋ بارىسىندا كىنالى تۇلعالار كەلتىرگەن زالالدارىن وتەدى»، دەلىنگەن حابارلامادا.