سولتۇستىك قازاقستان وبلىسىنداعى حالىق سانى جارتى ميلليوننان استى

پەتروپاۆل. قازاقپارات - سولتۇستىك قازاقستان وبلىسىنداعى حالىق سانى 555,7 مىڭ ادامعا جەتتى، دەپ حابارلايدى قازاقپارات.

ستاتيستيكالىق مالىمەتكە سۇيەنسەك، تۇرعىنداردىڭ 45,3 پايىزى - 251,7 مىڭى قالادا تۇرسا، قالعان 304 مىڭى اۋىل تۇرعىندارى.

ال وڭىردەگى 15 جانە ودان جوعارى جاستاعى جۇمىس كۇشىنىڭ سانى - 314,5 مىڭ ادام نەمەسە 70,5 پايىز. وبلىس ەكونوميكاسىندا 299,6 مىڭ سولتۇستىك قازاقستاندىق جۇمىسپەن قامتىلعان. جالدانىپ ءناپاقاسىن تاۋىپ جۇرگەندەردىڭ باسىم بولىگى (88 پايىزى) كاسىپورىنداردا ەڭبەك ەتەدى. وزدەرىن جۇمىسپەن قامتىپ وتىرعانداردىڭ سانى - 82 مىڭ ادام. ولاردىڭ 63 پايىزى اۋىل، ورمان جانە بالىق شارۋاشىلىعىندا جۇمىس ىستەيدى. قالعاندارى ساۋدا جانە كولىك قىزمەتىن كورسەتۋ سالالارىندا ءجۇر.

جۇمىسسىز جۇرگەندەردىڭ باسىم بولىگى، ادەتتەگىدەي ايەلدەر - 7,6 مىڭ ادام. جالپى، جۇمىسسىزدىق دەڭگەيى وبلىستا 4,8 پايىز بولىپ وتىر.