كەلەر جىلى ۇلتتىق ءبىرىڭعاي تەستتە ءبىرقاتار وزگەرىستەر بولادى

استانا. قازاقپارات - كەلەر جىلى ۇ ب ت تاپسىرۋ فورماتى سول كۇيىندە قالادى، دەگەنمەن ءبىرقاتار قوسىمشا وزگەرىستەر بار، دەپ حابارلايدى قازاقپارات ءتىلشىسى.

بۇگىندە ءبىلىم جانە عىلىم مينيسترلىگى تاراپىنان 2019 -جىلى ۇ ب ت-نى ۇيىمداستىرۋ مەن وتكىزۋ بويىنشا دايىندىق جۇمىستارى جۇرگىزىلۋدە.

2019 -جىلدان باستاپ جوعارى وقۋ ورنىنا اقىلى نەگىزدە ءتۇسۋ ءۇشىن ۇ ب ت جىلىنا 4 رەت (قاڭتار، ناۋرىز، ماۋسىم- شىلدە، تامىز) وتكىزىلەدى جانە العاشقىسى قاڭتارداعى ۇ ب ت- عا قاتىسۋ ءۇشىن ءوتىنىم 2018 -جىلعى 1-15 -جەلتوقسان ارالىعىندا قابىلدانادى.

ۇ ب ت-نى ءساتتى تاپسىرعان 11 (12) -سىنىپ وقۋشىلارى ج و و- عا اقىلى نەگىزدە تۇسە الادى.

سونداي-اق، شەت ءتىلىن تەرەڭ مەڭگەرگەندىگىن راستايتىن حالىقارالىق سەرتيفيكاتتارى بار وقۋشىلار «شەت ءتىلى» ءپانى بويىنشا ۇ ب ت-دان بوساتۋ نورماسى ەنگىزىلۋدە.

«ايتا كەتۋ كەرەك، قاڭتار، ناۋرىز جانە تامىز ايلارىندا ۇ ب ت تاپسىرعان تالاپكەرلەر ءبىلىم بەرۋ گرانتتارىنا ۇمىتكەر بولا المايدى، ول ج و و- نا اقىلى تۇردە ءتۇسۋ مۇمكىندىگىنە يە بولۋى ءۇشىن قاراستىرىلعان، ال گرانتقا تالاسۋ ءۇشىن ماۋسىم- شىلدە ايلارىندا وتەتىن ۇ ب ت- عا قاتىسۋى قاجەت. جانە دە قاڭتار، ناۋرىز ايلارىندا ۇ ب ت تاپسىرعان وقۋشىلار ماۋسىم- شىلدە ايلارىنداعى نەگىزگى ۇ ب ت- عا قاتىسا الادى»، - دەدى ق ر ءبىلىم جانە عىلىم ۆيتسە- ءمينيسترى اسحات ايماعامبەتوۆ و ك ق- دە وتكەن باسپا ءسوز ءماسليحاتىندا.

ونىڭ ايتۋىنشا، 2019 -جىلدىڭ قاڭتار، ناۋرىز، تامىز ايلارىندا ۇ ب ت تاپسىراتىن تالاپكەرلەر تەستتى اقىلى تۇردە تاپسىرادى جانە ونىڭ ءار تاپسىرۋى 2242 تەڭگەنى قۇرايدى.

ۆيتسە-مينيستر اتالعان وزگەرىستەردىڭ نە ءۇشىن ەنگىزىلەتىنىن تومەندەگىدەي دايەكتەرمەن ءتۇسىندىردى

«جالپى ۇ ب ت- نى تاپسىرۋ فورماتىندا، پاندەر مەن سۇراقتار بويىنشا وزگەرىستەر جوق. قالعان وزگەرىستەرگە كەلسەك ءبىز كوپشىلىكتىڭ پىكىرىمەن ساناسۋ مەن مونيتورينگ جاساۋ نەگىزىندە كەلدىك. سونىمەن ءبىرىنشى سەبەپ، كوپ ادامدار نەگە رەسەي جانە باسقا دا ەلدەردە قىستا ەمتيحان تاپسىرىپ وقۋعا قابىلدايدى، نەگە بىزدە ونداي مۇمكىندىك جوق دەيتىندەرگە جاعداي جاساۋ، ەكىنشى نەگە بىزدە ج و و- نا ءتۇسۋ مۇمكىندىگى ءبىر رەت قانا قاراستىرىلعان دەگەن ءوتىنىش يەلەرىنە قوسىمشا مۇمكىندىك بەرىلەدى، ءۇشىنشى، ج و و-نا ءتۇسۋ مۇمكىندىگى نەگە ۇ ب ت- مەن عانا شەكتەلەدى دەگەن ءجيى سۇراق قويىلاتىن. بۇل ماسەلەنى ب ع م ءوز باقىلاۋىنا الىپ ەكى جىلدان بەرى مەكتەپتە جانە ۋنيۆەرسيتەتتە بولەك تاپسىرۋ مۇمكىندىگى قاراستىرىلعان»، - دەدى ول.

ونىڭ سوزىنە قاراعاندا، 2019 -جىلدان باستاپ ءبىلىم گرانتتارى ءبىلىم بەرۋ باعدارلامالارىنىڭ توپتارى بويىنشا تاعايىندالاتىن بولادى. ج و و- عا قابىلداۋ كەزىندە تالاپكەرگە تۇسكەن ماماندىعى بويىنشا ناقتى ءبىلىم بەرۋ باعدارلاماسىن تاڭداۋ مۇمكىندىگى بەرىلەدى. ول ءۇشىن مينيسترلىك ج و و- ى جۇزەگە اسىراتىن ءبىلىم بەرۋ باعدارلامالارىنىڭ ءتىزىلىمىن قالىپتاستىرادى.

اعىمداعى جىلعىداي، ۇ ب ت سەرتيفيكاتىمەن بىرگە ءاربىر بىتىرۋشىگە ءبىلىم بەرۋ باعدارلامالارى توپتارىنىڭ ءتىزىمى، بولىنەتىن گرانتتار سانى، سونداي- اق، وتكەن جىلعى گرانت تاعايىنداۋ كونكۋرسىنىڭ ناتيجەلەرى كورسەتىلگەن اقپاراتتىق پاراق بەرىلەدى. بۇل اقپاراتتىق پاراق تالاپكەرگە بولاشاق ماماندىعىن تاڭداۋدا كومەكتەسەدى.