قىتايدا بانك باسشىلىعى كەلىنشەكتەردى بالا كوتەرۋ ءۇشىن رۇقسات الۋعا ماجبۇرلەگەن

 استانا. قازاقپارات - قىتايدىڭ شىجياجۋاڭ قالاسىندا بانك باسشىلىعى قىزمەتكەرلەرىن بالا كوتەرۋ ءۇشىن باستىعىنان رۇقسات الۋعا ماجبۇرلەگەن.

بانك باسشىلىعى جۇمىس ىستەيتىن قىز-كەلىنشەكتەر ءبىر جىل ىشىندە بالا كوتەرۋدى جوسپارلايتىن بولسا قاڭتار ايىندا ءوتىنىش جازۋعا مىندەتتى بولعان. ەگەر قاڭتار ايىندا ءوتىنىش جازباعان كەلىنشەك ءبىر جىل ىشىندە بالا كوتەرگەن بولسا باسشىلىق جۇكتىلىكتى توقتاتۋدى تالاپ ەتكەن. بانك قىزمەتكەرلەرىنىڭ ءبىرى قالالىق كاسىپوداققا جۇگىنىپ، باسشىلارىنىڭ وسى تالابىنا قارسى شاعىم تۇسىرگەن. كاسىپوداق ارالاسقاننان كەيىن بانك بۇل تالاپتى جويعان.

 reactor.inform.kz