قازاقستان الەمدىك ساياساتتاعى شيەلەنىستەرگە الاڭدايدى - ق ر پرەزيدەنتى
بۇل تۋرالى بۇگىن اقوردادا قازاقستاندا تىركەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارىمەن كەزدەسۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.
«قىرعي- قاباق سوعىس داۋىرىنە قاراعاندا، قازىرگى الەم كوپ پوليارلى بولدى. سونىمەن بىرگە جاڭا ەرەجەلەر ءالى دە ايقىندالماعان. وسىنىڭ سالدارىنان تاۋەكەلدەر مەن داعدارىستاردى كوپ جاعدايدا بولجاۋ قيىن» ، - دەدى ق ر پرەزيدەنتى.
مەملەكەت باسشىسىنىڭ ايتۋىنشا، نەگىزگى دەرجاۆالار اراسىنداعى قاتىناستاردىڭ كونفرونتاتسيالىق سيپاتى XX عاسىردا قۇرىلعان شيەلەنىستى باسەڭدەتۋ تەتىكتەرىن بىرتىندەپ دەمونتاجداۋعا الىپ كەلۋدە.
«ورتا جانە شاعىن قاشىقتىق تۋرالى قاتىسۋشى تاراپتاردىڭ تەپە- تەڭدىك كەلىسىمىنەن ءبىرجولا باس تارتۋى باقىلاۋسىز قارۋلانۋ ءقاۋپىن، سونداي- اق باسقا دا نەگىزگى قۇجاتتار كۇشىنىڭ جويىلۋى قاتەرىن بايقاتادى. بۇل ءوز كەزەگىندە ستراتەگيالىق شابۋىلدى قارۋ- جاراق شارتىنا قاتىستى. مۇنداي رەگرەسس ءبىر ساتتە ورىن الۋى مۇمكىن. اتالعان كەلىسىمدەردى بەكىتۋ ءۇشىن كەزىندە كوپتەگەن جىلدار قاجەت بولعان ەدى. وسى ورايدا ديپلوماتتار قاجىرلى ەڭبەك ەتتى» ، - دەدى نۇرسۇلتان نازاربايەۆ.