پرەزيدەنت قازاقستان سىرتقى ساياساتتا قانداي باعىت ۇستاناتىندىعىن ايتتى

 استانا. قازاقپارات - قازاقستان سىرتقى ساياساتتا بەيبىت ءارى كوپ ۆەكتورلى باعىتتى ۇستانۋىن جالعاستىرا بەرەدى.

بۇل تۋرالى بۇگىن اقوردادا قازاقستاندا تىركەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارىمەن كەزدەسۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

 «قازاقستان بۇگىن الەمنىڭ 184 مەملەكەتىمەن ديپلوماتيالىق بايلانىس ورناتىپ، 57 ەلشىلىگى مەن تۇراقتى وكىلدىگىن ءوز ەلورداسىندا اشتى. بىزدە شەتەلدىڭ 98 ەلشىلىگى مەن حالىقارالىق ۇيىمداردىڭ وكىلدىگى بار. ەلىمىز سىرتقى ساياساتتا بەيبىت ءارى كوپۆەكتورلى باعىتتى ۇستانۋىن جالعاستىرا بەرەتىن بولادى» ، - دەدى نۇرسۇلتان نازاربايەۆ.

ەلباسى قازاقستان رەسەي فەدەراتسياسىمەن دوستىق قاتىناستارىن ەكىجاقتى فورماتتا جانە ەۋرازيالىق ەكونوميكالىق وداق اياسىندا دامىتىپ كەلە جاتقانىن ايتتى.

«جاقىندا پەتروپاۆل قالاسىندا رەسەي پرەزيدەنتى ۆلاديمير پۋتينمەن بىرگە ءوڭىرارالىق ىنتىماقتاستىعىمىزدىڭ 15- فورۋمىن تابىستى وتكىزدىك. ق ح ر- مەن ءوزارا سەنىمگە جانە سىيلاستىققا نەگىزدەلگەن جان- جاقتى ستراتەگيالىق سەرىكتەستىگىمىز تۇراقتى دامىپ كەلەدى. قازاقستان ءوز تاراپىنان بارلىق شارانى قولداناتىن بولادى. بەيجىڭگە 7-8 - ماۋسىمداعى مەملەكەتتىك ساپارىم ەكى ەل اراسىنداعى ساياسي جانە ەكونوميكالىق ىنتىماقتاستىقتى تەرەڭدەتۋگە تىڭ سەرپىن بەردى دەپ سانايمىن» ، - دەدى مەملەكەت باسشىسى.

ق ر پرەزيدەنتى وسى جىلدىڭ قاڭتار ايىنداعى ۆاشينگتونعا جاساعان رەسمي ساپارى جانە پرەزيدەنت دونالد ترامپپەن كەلىسسوزدەرى بارىسىندا قازاقستان مەن ا ق ش- تىڭ 21 - عاسىرداعى كەڭەيتىلگەن ستراتەگيالىق سەرىكتەستىگى جونىندەگى ۋاعدالاستىققا قول جەتكىزىلگەنىن ايتتى.

«كەلىسىلگەن ماسەلەلەر ءوز رەتىمەن شەشىلىپ كەلەدى. ەكى مەملەكەت اراسىنداعى ەكونوميكالىق ىنتىماقتاستىقتى ودان ارى نىعايتۋ ماسەلەلەرى ا ق ش ساۋدا ءمينيسترى ۋيلبەر روسستىڭ قازاقستانعا جاقىنداعى ساپارى بارىسىندا ەگجەي- تەگجەيلى قاراستىرىلدى» ، - دەدى ەلباسى.

نۇرسۇلتان نازاربايەۆ ورتالىق ازيا ءوڭىرى قازاقستاننىڭ سىرتقى ساياسي باسىمدىقتارىندا ماڭىزدى ءرول اتقاراتىندىعىن دا باسا ايتتى.

 «ءبىزدىڭ تىعىز ىنتىماقتاستىعىمىز ەلدەرىمىزدىڭ ەكونوميكالىق ءال- اۋقاتىن ارتتىرۋعا، وڭىرلىك قاۋىپسىزدىك پەن تۇراقتىلىقتى نىعايتۋعا، سونداي- اق تاريحي جانە مادەني بايلانىستاردى ودان ءارى دامىتۋعا بارىنشا مۇمكىندىك بەرەدى» ، - دەدى مەملەكەت باسشىسى.