ەلشىلەر ءۇشىن جاڭا ديپلوماتيالىق قالاشىق سالىپ جاتىرمىز - پرەزيدەنت

None
None
 استانا. قازاقپارات - استانادا جاڭا ديپلوماتيالىق قالاشىق سالىنۋدا. بۇل تۋرالى بۇگىن اقوردادا قازاقستاندا تىركەلگەن ديپلوماتيالىق ميسسيالار مەن حالىقارالىق ۇيىمداردىڭ باسشىلارىمەن كەزدەسۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات ءتىلشىسى.

«بۇگىندە بارلىق ديپلوماتتىڭ مەملەكەتتىك جۇمىسى بالالارىمىزدىڭ، نەمەرەلەرىمىزدىڭ جايلى عالامشاردا، قولايلى جاعدايدا ءومىر سۇرۋلەرىنە باعىتتالعان. سوندىقتان سىزدەردىڭ قازاقستانداعى جۇمىستارىڭىز وتە ماڭىزدى دەپ ەسەپتەيمىن. سىزدەر ءوز ەلدەرىڭىز بەن قازاقستاننىڭ قارىم- قاتىناسىن نىعايتۋ ءۇشىن جۇمىس ىستەيسىزدەر، سول ءۇشىن تاعى ءبىر مارتە العىسىمدى بىلدىرەمىن. سىزدەرگە زور قۇرمەتپەن قارايمىز» ، - دەپ اتاپ ءوتتى پرەزيدەنت.

سونىمەن قاتار مەملەكەت باسشىسى شەتەلدىك ەلشىلەر ءۇشىن ەلوردادا جاڭا ديپلوماتيالىق قالاشىق قۇرىلىسى باستالعانىن اتاپ ءوتتى.

«اعىمداعى جىلى ەلشىلەرىمىز ءۇشىن بارىنشا جاقسى جاعداي جاساۋ، قاۋىپسىزدىگىن قامتاماسىز ەتۋ ءۇشىن ارنايى ديپلوماتيالىق قالاشىق قۇرىلىسىن باستادىق. مەنىڭشە، كەلەسى جىلى ءبىز ونى اياقتايتىن بولامىز. ول ەلوردانىڭ قولايلى جەرىندە ورنالاسادى» ، - دەپ اتاپ ءوتتى نۇرسۇلتان نازاربايەۆ.

سوڭعى جاڭالىقتار