كەلىنشەك ءيتىن دارىگەرگە كورسەتپەگەنى ءۇشىن اباقتىعا قامالدى

استانا. قازاقپارات - بريتانيا تۇرعىنى جارالانعان ءيتىن ءوزى ەمدەمەك بولعانى ءۇشىن اباقتىعا قامالدى.

كەلىنشەك اياعىن سىندىرىپ العان ءيتىن ۆەتەرينارعا اپارماي، ءيتتى ءوز بەتىنشە ەمدەپ، جانۋاردىڭ اياعىنا شينا سالعان. ينسپەكتورلار وزدىگىنەن جۇرە المايتىن ءيتتى ۆەتەرينارعا اپارعان. كەلىنشەك ءيتتى دۇرىس ەمدەمەگەندىكتەن اياعىنان ايىرىلىپ قالا جازداعان.

وسىدان كەيىن ءيتتىڭ يەسىنە قارسى قىلمىستىق ءىس قوزعالعان. جانۋارعا قاتىگەزدىك تانىتقانى ءۇشىن كەلىنشەك ءۇش ايعا اباقتىعا قامالعان. سونداي-اق كەلىنشەك 400 دوللار ايىپپۇل تولەيدى. بۇعان قوسا سوت كەلىنشەككە 10 جىل بويى ۇيىندە جانۋارلاردى ۇستاۋعا تىيىم سالعان.

 

دەرەككوز: life.ru