دايىندىقسىز باستالعان ءومىر

None
None
  استانا. قازاقپارات - ءۇش بالاسى بار جاس وتباسى جايلى ءومىردى كوكسەپ سوناۋ قورداي ەلىنەن الماتىعا كوشىپ كەلەدى.

بەيتانىس قالا، جاڭا ءومىر، جاڭا تانىس دەگەندەي. ءومىردىڭ وسىنداي كەزەڭى كوپتەگەن وتباسىلارعا تانىس بولسا كەرەك، ءسىرا. الماتى مەن استاناعا كوشىپ كەلگەن ءاربىر ءۇشىنشى وتباسى الگىندەي ءجايتتى باستان كەشىرگەن بولسا كەرەك. جىل سايىن باعىم جانا ما ەكەن دەگەن ۇمىتپەن جۇزدەگەن وتباسىلار مەگاپوليستەرگە كوشىپ كەلىپ جاتادى. ءبىراق تاستاي باتىپ، سۋداي ءسىڭىپ كەتۋ وڭاي شارۋا ەمەس.

وسى ماقساتتىڭ جولىندا كىم دە بولسا تۇرمىس قيىنشىلىعىن باستان كەشىرەدى، قينالادى. ادام تۇرمىس تاۋقىمەتىن تەك كۇلە قاراپ جەڭە الادى.

كومەديالىق سەريال «اتا- انا. بالا- شاعا» وسىنداي وتباسىنىڭ ءومىرىن كورسەتەدى. سيۋجەت ەرلى- زايىپتى تالعات پەن ءلاززاتتىڭ اينالاسىندا ءوربيدى. بۇلار ءوزىمىز وقي الماساق تا بالالارىمىز وقىسىن دەگەن نيەتپەن اۋىلدان الماتىعا كوشىپ كەلگەن جاندار.

بۇل جىل ولار ءۇشىن قيىن بولدى: بەيتانىس قالا، تۇرمىسى سان قيلى بوتەن ادامدار. وسىنىڭ ءبارى جاس وتباسىنى ءبىراز ابىگەرگە سالىپ، تالاي كۇلكىلى جايتتەردى تۋدىرادى. كومەديانىڭ ءاربىر كەيىپكەرى مىنەزگە باي جاندار. سوندىقتان ولارعا ءتىل تابىسۋ وتە قيىن. دەگەنمەن وتباسى ءوزارا ىنتىماقتىڭ ارقاسىندا ۇرىس- كەرىسكە بارىسپايدى.

سەريالدىڭ باس كەيىپكەرى جانىبەكتى سومدايتىن ماحامبەت مىرزا، «جەتىنشى ارنا» ارقىلى كورەرمەندەرگە «پەتروپاۆلدان كەلگەن بالا» بەينەسىندە تانىمال بولعان ەدى. اتا- اناسى، قارىنداسى مەن ءىنىسى شاعىن قالاشىقتان الماتىعا كوشىپ كەلەدى. كوشىپ كەلۋلەرىنە تۇرتكى بولعان جانىبەكتىڭ اناسى ءلاززات. ول ءوزى قىزبا مىنەزدى بولعاندىقتان جۇمىسىن ءجيى اۋىستىراتىن، كىرىسىنەن شىعىسى كوپ جان. جانىبەكتىڭ اكەسى - تالعات. وتاعاسى قالاعا كوشىپ كەلۋ ءۇشىن اۋىلداعى ەكىقابات ءۇيىن، بۇكىل مالىن ساتۋعا ءماجبۇر بولادى. الماتىدان ءۇش بولمەلى پاتەر الۋ ءۇشىن جيعان - تەرگەن اقشاسىن العاشقى جارنا رەتىندە قۇيادى.

تالعات «تيىننان تەڭگە جينالادى» دەگەن ۇستانىممەن ەكى جەردە جۇمىس ىستەيدى. تاماقساۋ، ەتسىز وتىرا المايتىن كىسى. قاراجاتتى ءوزى ۇستاپ، پاتەراقىنى دا ءوزى تولەيدى.

 

باس كەيىپكەرىمىز جانىبەك ءۇيدىڭ ۇلكەنى بولعاندىقتان قارىنداسى مەن ىنىسىنە قارايدى. اتا- اناسى ساپالى ءبىلىم السىن دەپ جانىبەكتى ۇزدىك گيمنازياعا وقۋعا بەرەدى. ءبىراق جانىبەكتىڭ ءوزى بۇدان وزگەرىس كورىپ وتىرعان جوق. بەيمازا مىنەزىنىڭ كەسىرىنەن جاڭا مەكتەپتىڭ بالالارىمەن شەكىسىپ قالىپ، العاشقى كۇندى توبەلەسپەن اياقتايدى. ارينە، ءالجۋاز جانىبەك جەڭىلىپ قالدى، ءبىراق وسى توبەلەستىڭ ارقاسىندا وزىنە جاقسى دوس تابادى. جالپى بۇل جىل جانىبەك ءۇشىن وڭايعا سوقپادى. جاڭا قونىس، اينالا بوتەن ادامدار، جاڭا مەكتەپ، ول ازداي ورىسشاسى جەتپەي جانە قينالادى. وسىنىڭ ءبارىن جانىبەك 13 جاستىڭ سەرگەلدەڭى دەپ قابىلدايدى، ويتكەنى ول العاشقى مۇشەلدى تولتىردى. وتباسىندا جانىبەكتەن وزگە سانجار مەن اكەسىنىڭ ەركەسى ايزەرە دە بار.

«اتا- انا. بالا- شاعا» كومەدياسى- بۇل ەلىمىزدەگى وسكەلەڭ ۇرپاق پەن اتا- انا اراسىنداعى قارىم- قاتىناستى بەينەلەيتىن شىنايى حيكايا. 19 - قاراشادان باستاپ دۇيسەنبى مەن جۇما ارالىعىندا ساعات 21:00 دە «جەتىنشى ارنادان» كورىڭىزدەر.

Stan.kz

سوڭعى جاڭالىقتار