استانادا جىل سوڭىنا دەيىن جەتى جاڭا وندىرىستىك كاسىپورىن اشىلادى
«بارلىق كاسىپورىندار ارنايى ەكونوميكالىق ايماقتىڭ اۋماعىندا ورنالاساتىن بولادى. جاڭا جەتى كاسىپورىننىڭ اشىلۋىمەن شامامەن 500 گە جۋىق جاڭا جۇمىس ورنى اشىلادى دەپ كوزدەلىپ وتىر»، - دەدى قوعامدىق كەڭەستىڭ وتىرىسىندا استانا قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسى باسشىسىنىڭ ورىنباسارى ەرلان بەكمۇرزايەۆ.
ونىڭ ايتۋىنشا، جاڭادان اشىلاتىن ونەركاسىپ كاسىپورىندارىنىڭ بارلىعى يننوۆاتسيالىق بولادى. «ءبىر كاسىپورىندى مەملەكەت باسشىسىنىڭ قاتىسۋىمەن جەلتوقسان ايىندا وتەتىن يندۋستريالاندىرۋ كۇنىندە تانىستىرۋدى جوسپارلاپ وتىرمىز. ول سيفرلاندىرۋدى دامىتۋ شەڭبەرىندە جۇمىس ىستەيتىن مودەم، مودۋل شىعارۋمەن اينالىساتىن «digital system servis» كاسىپورنى. شەتەلدىك ينۆەستوردىڭ قاتىسۋىمەن اشىلاتىن قازاقستاندىق كاسىپورىن»، - دەدى ول.
www.24.kz