ساراپشى: پرەزيدەنت ءوز ماقالاسىندا جاڭا تاريحي باستامالاردى العا تارتتى
بۇل تۋرالى «قازاقپارات» ح ا ا تىلشىسىنە ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىنىڭ باس عىلىمي قىزمەتكەرى، تاريح عىلىمدارىنىڭ دوكتورى يرينا چەرنىح ايتىپ بەردى.
«مەنىڭشە، پرەزيدەنتتىڭ وسى ماقالاسى - ونىڭ قوعامدىق سانانى جاڭعىرتۋ جونىندەگى العاشقى ماقالاسىنىڭ لوگيكالىق جالعاسى. ويتكەنى، نۇرسۇلتان ءابىش ۇلى نازاربايەۆ ءبىرىنشى ماقالاسىندا-اق قازاق حالقىنىڭ تاريحى جايلى ايتا كەلىپ، «ءبىز كىمبىز؟»، «قايدا بارامىز؟» دەگەن سياقتى سۇراقتاردى كولدەنەڭ قويعان بولاتىن. ياعني، ءبىرىنشى ماقالا جالپى قازاقستاندىق سايكەستىكتى قالىپتاستىرۋ ماسەلەلەرىنە ارنالدى. مىنا ماقالا دا جالپى سايكەستىكتى قالىپتاستىرۋعا قاتىستى، ءبىراق ەندى پرەزيدەنت تاريح تۇڭعيىعىنا تەرەڭدەي وتىرىپ، كەڭىرەك اشىپ كورسەتەدى. ياعني، ول، ەڭ الدىمەن، قازاقستان - ۇلى دالا ەلى ەكەنىن ايتادى»، - دەيدى يرينا چەرنىح.
ساراپشى قازىر قازاقستان الەمگە مۇنايىمەن، ە ق ى ۇ- عا ءتوراعالىق ەتۋىمەن، يادرولىق قارۋدى تاراتپاۋ باعدارلاماسى جانە باسقا دا ءبىرقاتار حالىقارالىق باستاماسىمەن تانىلعانىن تىلگە تيەك ەتتى.
«بۇگىندە پرەزيدەنت «قازاقستان - ۇلى دالا ەلى» جاڭا تاريحي ديسكۋرسىنا مۇرىندىق بولىپ وتىر. ول ءوز ماقالاسىندا قازاقستان ورنالاسقان ۇلى دالا كەڭىستىگىنىڭ نە ەكەنىن ناقتىلايدى. ءبىز وزىمىزگە تاريح پريزماسى ارقىلى قارايمىز. وسى ماقالادا پرەزيدەنتتىڭ قازىرگى قازاقستاندىقتاردىڭ اتا-بابا مەكەنىنە، ولاردىڭ جاھاندىق تاريحقا، جاھاندىق وركەنيەتكە قوسقان ۇلەسىنە تالداۋ جۇرگىزەدى. ول وسى جەردە ويلاپ تابىلعان، جاھاندىق وركەنيەتتىڭ دامۋىنا ولشەۋسىز ۇلەس قوسقان بۇيىمدار تۋرالى ايتادى. ياعني، ءبىزدىڭ بولمىسىمىزدى، وتكەنىمىز بەن بۇگىنىمىزدى كورسەتەدى ءارى بۇل - پرەزيدەنت ايتقان قوعامدىق سانانى جاڭعىرتۋدىڭ جالعاسى»، - دەيدى يرينا چەرنىح.
ساراپشى «رۋحاني جاڭعىرۋ» باعدارلاماسى اياسىنداعى «قازاقستاننىڭ كيەلى جەرلەرىنىڭ گەوگرافياسى» جانە «تۋعان جەر» جوبالارىن ەسكە سالدى.
«قازىر پرەزيدەنت قازاقستاننىڭ تاريحىمەن، زەرتتەۋلەردى دامىتۋمەن بايلانىستى بۇرىنعىدان دا كوبىرەك ۇسىنىستار ايتىپ جاتىر. مىسالى، «ارحيۆ-2025»، «ۇلى دالانىڭ ۇلى ەسىمدەرى» سەكىلدى تاريحپەن بايلانىستى، ءبىز كىمبىز، قايدا بارامىز دەگەن سياقتى ماسەلەلەرگە ارنالعان كوپتەگەن باستامالاردى العا تارتتى»، - دەيدى تاريحشى عالىم.