قازاقستاندىق قوس بوكسشى الەم چەمپيوناتىنىڭ جارتىلاي فينالىنا شىقتى

استانا. قازاقپارات - قازاقستاندىق قوس بوكسشى ايەلدەر اراسىندا نيۋ-دەليدە (ءۇندىستان) ءوتىپ جاتقان الەم چەمپيوناتىنىڭ جارتىلاي فينالىنا شىقتى، دەپ حابارلايدى قازاقپارات ءتىلشىسى.

ق ر ۇلتتىق وليمپيادا كوميتەتىنەن ءمالىم ەتكەندەي، كارينا يبراگيموۆا مەن جاينا شەكەربەكوۆا فينالعا شىعۋ ءۇشىن سىنعا تۇسەدى.

كارينا يبراگيموۆا شيرەك فينالدا 60 كەلىگە دەيىنگى سالماقتا قىتايلىق ۆەنليۋ يانگتى ۇتتى. ال جاينا شەكەربەكوۆا 51 كەلىگە دەيىنگى سالماقتا پولشا ەلىنىڭ وكىلى ساندرا درابيكتەن باسىم ءتۇستى. وسىلايشا كارينا مەن جاينا كەمىندە قولا مەدالعا يە بولادى.

وكىنىشكە قاراي، فاريزا شولتاي شيرەك فينالدا 81 كەلىگە دەيىنگى سالماقتا تاعى ءبىر پولياك قىزى ۆيكتوريا كابيكوۆاعا جول بەردى. ميلانا سافرونوۆا 64 كەلىگە دەيىنگى سالماقتا ۋكراينالىق ماريا بوۆادان ۇتىلدى. 81 كەلىدەن جوعارى سالماقتا ءلاززات كۇنگەيبايەۆا دا امەريكالىق دانيەللا پەركينستەن ايلاسىن اسىرا المادى.

ەسكە سالا كەتەيىك، بۇدان بۇرىن قازاقستاندىق بەس بوكسشى قىزدىڭ شيرەك فينالعا جانە كارينا يبراگيموۆانىڭ جارتىلاي فينالعا وتكەنىن جازعان بولاتىنبىز.