ەلوردادا ەلباسىنىڭ سۇيىكتى جانە اۆتورلىق اندەرى شىرقالۋدا
ءىس- شاراعا ەلورداداعى 80 ءبىلىم بەرۋ ۇيىمىنىڭ 140-قا جۋىق وقۋشىسى قاتىسۋدا. جاس ورىنداۋشىلار 12 جاستان 14 جاسقا دەيىنگى جانە 15 جاستان 17 جاسقا دەيىنگى ەكى جاس كاتەگورياسىندا ونەر كورسەتەدى. بايقاۋ جەڭىمپازدارى مەن جۇلدەگەرلەرى «بابامنان قالعان كەڭ دالا»، «ءبىزدىڭ پرەزيدەنتىمىزدىڭ سۇيىكتى اندەرى تولقىنىندا» جانە «دومبىرادا ورىندالاتىن اندەر» سياقتى ءۇش اتالىمدا انىقتالادى. ۇيىمداستىرۋشىلاردىڭ ايتۋىنا قاراعاندا، بۇل كونكۋرستىڭ نەگىزگى ماقساتى - مەملەكەت باسشىسىنىڭ ءان- كۇي شىعارماشىلىعىن زەرتتەۋ جانە تانىمال ەتۋ.
«ءبىز جاس ۇرپاقتىڭ قازاقستان رەسپۋبليكاسىنىڭ تۇڭعىش پرەزيدەنتىنىڭ رولىنە قاتىستى كوزقاراسىن ونىڭ سۇيىكتى ءارى اۆتورلىق اندەرى ارقىلى قالىپتاستىرعىمىز كەلەدى. ويتكەنى اۆتورلىق جانە سۇيىكتى اندەرى ادامنىڭ وتانعا، حالىققا، ەلدىڭ تاريحىنا جانە سالت- داستۇرلەرىنە دەگەن رۋحاني ۇمتىلىسىن دارىپتەيدى. بۇعان قوسا، بيىل قازاقستاندا ۇلتتىق دومبىرا كۇنى بەلگىلەنگەن بولاتىن. وسىعان وراي «دومبىرادا ءان ورىنداۋ» نوميناتسياسى ەنگىزىلدى. بۇل - قازاقتىڭ حالىق اندەرى، ءبىرجان سالا، ەستاي، اقان سەرى ءانى، ياعني ەڭ باي مۇرا »، - دەيدى قازاقستان رەسپۋبليكاسى تۇڭعىش پرەزيدەنتى كىتاپحاناسىنىڭ عىلىمي قىزمەتكەرى ساياگۇل جاقىپوۆا.
ەسكە سالا كەتەيىك، 24 - قاراشادا «كوڭىلدىڭ اسىل پەرنەسى: ن. ءا. نازاربايەۆتىڭ ءان شىعارماشىلىعى» رەسپۋبليكالىق شىعارماشىلىق بايقاۋى وتەدى. وعان ەلىمىزدىڭ بارلىق وڭىرلەرىنەن 60-تان اسا جاس ورىنداۋشى قاتىسادى دەپ كۇتىلۋدە.