سۇلۋ بولۋ ءۇشىن ءومىرىن قاتەرگە تىككەن ارۋ دارىگەرلەردى شوشىتتى

 استانا. قازاقپارات - 24 جاستاعى دجەننيفەر پامپلونا كيم كارداشيانعا ۇقساۋ ءۇشىن پلاستيكالىق وتاعا تالاي رەت جۇگىنگەن.

دارىگەرلەر ونىڭ ومىرىنە قاۋىپ تونەتىنىن ەسكەرتكەنىمەن، بويجەتكەن وتا جاساتاۋىن دوعارار ەمەس. بۇل تۋرالى NUR. KZ پورتالى interesnoznat.com سايتىنا سىلتەمە جاساپ جازادى.

18 جاسىنان باستاپ ءتوسى مەن اۋرەتتى جەرىن ۇلكەيتكەن دجەننيفەر تاعى دا بىرنەشە پلاستيكالىق وتا جاساتىپتى.

«دارىگەرلەر «وسىنشاما وتادان كەيىن ءولىپ كەتۋدەن قورىقپايسىڭ با» دەپ سۇرادى. ءتىپتى ءولىپ كەتسەم دە، باقىتتى ءارى سۇلۋ بولىپ ومىرمەن قوش ايتىسامىن»، - دەيدى دجەننيفەر.

بويجەتكەن ءالى بىرنەشە وتا جاساتۋدى جوسپارلاپ وتىرعانىن دا جاسىرمادى.