وسلوداعى كينوفەستيۆالدە «ايكا» فيلمى جەڭىمپاز اتاندى
وعان ازيا، افريكا جانە لاتىن امەريكاسى ەلدەرىنەن 80 نەن استام تاسپا قاتىستى، دەپ حابارلايدى قازاقپارات ءتىلشىسى.
وعان قازاقستاننان رەجيسسەر سەرگەي دۆورتسيەۆويدىڭ «ايكا» فيلمى جانە ۆەنەتسيا كينوفەستيۆالىنىڭ جەڭىمپازى ءامىر بايعازيننىڭ جۇمىستارى ۇسىنىلدى.
فەستيۆالدە «دەرەكتى فيلم»، «اۋديتوريا جۇلدەسى»، «جاڭا داۋىس» جانە «كۇمىس اينا» اتالىمدارى بويىنشا جەڭىمپازدار انىقتالدى.
«ايكا» فيلمىن قازىلار القاسى ءبىر اۋىزدان «جاڭا داۋىس» اتالىمىنىڭ جەڭىمپازى دەپ تانىدى.
«قازاقستاندىق اكتريسا سامال ەسلياموۆا سەرگەي دۆورتسيەۆويدىڭ فيلمىن جالعىز ءوزى سۇيرەپ ءجۇر. كامەرا ونىڭ ءاربىر قيمىلىن باعىپ وتىرادى، ءتىپتى ءبىز، كورەرمەندەر باس كەيىپكەرمەن ۇندەس، پىكىرلەس بولامىز»، - دەيدى نورۆەگيالىق كينوسىنشىلار.
«دەرەكتى فيلم» اتالىمىندا كونگولىق رەجيسسەر ەممانۋەل گراستىڭ «ماكالا» فيلمى جەڭىسكە جەتتى. كورەرمەن كوڭىلىنەن شىققان فيلم رەتىندە جاپون رەجيسسەرى حيروكادزۋ كوريدەنىڭ «دۇكەن توناۋشى» فيلمى تانىلسا، وڭتۇستىك كورەيالىق رەجيسسەر لي چانگ دونگ تۇسىرگەن «ورتەۋ» فيلمىنە «كۇمىس اينا» سىيلىعى بەرىلدى.
«ايكا» فيلمىنىڭ ءتۇسىرىلىم توبىنان ەشكىم بولماعاندىقتان، ناگرادا وسلودا اككرەديتتەلگەن قازاقستاندىق ديپلوماتتارعا تاپسىرىلدى.
ءامىر بايعازين «FILM fra SØR» فەستيۆالىنە «ۇندەستىك ساباقتارى»، «جارالى پەرىشتە» جانە «وزەن» فيلمدەرىن، سونداي-اق «جۇلدىزدى كورگىڭىز كەلە مە؟» اتتى جاڭا جۇمىسىن ۇسىندى. سىنشىلار ونىڭ شىعارماشىلىعىنا جوعارى باعا بەردى.
شارا اياسىندا ءامىر بايعازين قازاقستان ەلشىلىگىندە قازاق دياسپوراسى وكىلدەرىمەن كەزدەسىپ، شىعارماشىلىق جوسپارلارىن ءبولىستى.