بۇركىتشى قانداسىمىز ايشولپان تۋرالى جاڭا فيلم كورەرمەندەرگە جول تارتتى

None
None
استانا. قازاقپارات - قازاقتىڭ ساياتشىلىق ونەرىن الەمگە تانىتۋعا ءوز ۇلەسىن قوسقان موڭعولياداعى قانداسىمىز ايشولپان نۇرعايىپ قىزىنىڭ قاتىسۋىمەن تۇسىرىلگەن «كوشپەندىلەر» دەرەكتى فيلمىنىڭ «موڭعوليا قازاقتارى: بۇركىتشىلەر» سەرياسى YouTube جەلىسىنە شىقتى، دەپ حابارلايدى قازاقپارات ءتىلشىسى.

«موڭعوليا قازاقتارى: بۇركىتشىلەر» فيلمى Youtube ۆيدەو حوستينگىنە جاريالاندى. باستى رولدە اتاقتى بۇركىتشى، موڭعوليالىق قانداسىمىز ايشولپان نۇرعايىپ قىزى. فيلمدە تەك ايشولپان تۋرالى عانا ەمەس، ودان بولەك موڭعوليالىق قازاقتار جانە ولاردىڭ تۇرمىسى مەن بۇركىتشىلىك كاسىبى تۋرالى باياندالادى. بۇركىتشى ايشولپان امەريكالىق رەجيسسەر وتتو بەللانىڭ - «Eagle Huntress»  فيلمىنە ءتۇسىرىلۋىنىڭ ارقاسىندا ا ق ش جانە ەۋروپاعا تانىمال بولدى»، - دەپ جازدى «موڭعوليا قازاقتارى: بۇركىتشىلەر» فيلمىنىڭ قويۋشى رەجيسسەرى قانات بەيسەكەيەۆ فەيسبۋكتەگى پاراقشاسىندا.

ايتا كەتسەك، 2016-جىلى ايشولپان تۋرالى «بۇركىتشى قىز» (Eagle Huntress) دەرەكتى فيلمى جارىققا شىققاننان سوڭ، جاس بۇركىتشى جايلى الەمنىڭ BBC، New York Times جانە CNN سەكىلدى ماڭدايالدى ب ا ق بىرىنەن سوڭ ءبىرى جارىسا جازعان بولاتىن.



ەسكە سالساق، ۇستىمىزدەگى جىلدىڭ قىركۇيەك ايىندا موڭعوليالىق قانداسىمىز قازاقستانعا ارنايى كەلگەن ەدى. وندا ول ەلىمىزدىڭ اتىنان جارىستارعا قاتىسۋعا دايىن ەكەنىن ءمالىم ەتتى.

ودان بولەك، اتالعان فيلمنىڭ «قازاقستان» ر ت ر ك تاپسىرىسىمەن تۇسىرىلگەنىن جانە ونىڭ باسقارما ءتوراعاسى ەرلان قاريننىڭ ايتۋىنشا، اتالعان جوبانىڭ نەگىزگى ماقساتى - شەتەلگە قونىس اۋدارعان قانداستارىمىزدىڭ ءومىرى مەن تۇرمىس-سالتىن كوپشىلىككە كورسەتۋ ەكەندىگى تۋرالى جازعان بولاتىنبىز.

سوڭعى جاڭالىقتار