تانك جانە ينجەنەرلىك-ساپەرلىك روتا كومانديرلەرى بىلىكتىلىكتەرىن ارتتىرۋدا
«كۋرس جاۋىنگەرلىك ارنالىمعا سايكەس سەنىپ تاپسىرىلعان بولىمشەلەردىڭ قولدانۋدى ۇيىمداستىرۋعا مۇمكىندىك بەرەتىن جاڭا ءبىلىم يگەرۋ جانە شەبەرلىكتى شىڭداۋ، ۇرىستى جۇرگىزۋدىڭ زاماناۋي جاعدايىندا ولاردىڭ جاۋىنگەرلىك مۇمكىندىكتەرىن شەبەر پايدالانۋ ماقساتىندا وتكىزىلەدى»، - دەلىنگەن حابارلامادا.
كۋرستىڭ وتكىزىلۋى بارىسىندا وقىپ-ۇيرەنۋشىلەر 11 ءپاندى زەردەلەيدى. كۋرستى وتكىزۋگە بارلىعى 226 وقۋ ساعاتى بولىنگەن. ونىڭ ىشىندە، تەوريالىق ساباقتارعا 53 ساعات، پراكتيكالىق ساباقتارعا 173 ساعات ءبولىندى. وقۋ ساباقتارىن وتكىزۋ ءۇشىن پراكتيكالىق اسكەري تاجىريبەسى بار ينستيتۋتتىڭ كوماندالىق جانە وقىتۋشىلار قۇرامىنان اناعۇرلىم دايىندالعان ماماندار تارتىلدى.
وقۋ اياقتالىسىمەن نەگىزگى وقىتۋ پاندەرى بويىنشا باعدارلاما كولەمىندە كەشەندى ەمتيحان وتكىزىلەدى. وسى باعدارلامانى مەڭگەرۋ ناتيجەسىندە وفيتسەرلەر لاۋازىمدىق ارنالىمعا سايكەس فۋنكتسيونالدىق مىندەتتەرىن شەبەر ءارى سەنىمدى ورىنداۋ ءۇشىن وزدەرىنىڭ كاسىبي دايىندىقتارىن ارتتىرادى. كۋرس اياقتالعان سوڭ «تاكتيك» كۋرسىنىڭ باعدارلاماسىن مەڭگەرگەن وفيتسەرلەرگە سەرتيفيكاتتار بەرىلەدى.