ارىقتاۋدىڭ عىلىمي ستراتەگياسى

استانا. قازاقپارات - ارىقتاۋ، ىشكە، بوكسە مەن يىق ايماعىنا جينالعان ارتىق مايلاردان ارىلۋ نيەتى مىڭداعان ادامداردى ديەتالارمەن ءومىر سۇرۋگە بەيىمدەگەنى انىق.

دەگەنمەن، تەك ارتىق سالماقتان ارىلۋ ءۇشىن ەمەس، سول قاجەتتى سالماقتى ۇستاپ قالۋ ءۇشىن ماي قورىمەن قالاي كۇرەسۋ كەرەكتىگىن بىلگەن ءجون. عىلىمي تۇرعىدان، كارديو مەن جۇگىرۋ، فيزيكالىق جاتتىعۋلار ماي قورىنا اسەر ەتپەيدى، ولار كالوريا مولشەرىن عانا جويادى. ياعني، ارتىق سالماقتىڭ جينالماۋى ءۇشىن عانا پايدالى.

 فيزيكالىق كەز كەلگەن جاتتىعۋ -  زات الماسۋ جۇمىسىن رەتتەيتىن ءادىس. ادام دەنەسىنە ماي ەكى ءتۇرلى جينالادى: تەرى استى ماي جانە ىشكى ماي. تەرى استى مايلارى ادام سىمباتىنا كولەڭكە تۇسىرگەنىمەن، ىشكى ماي سەكىلدى ادام دەنساۋلىعى مەن مەتابوليزمگە ايتارلىقتاي اسەر ەتپەيدى. ىشكى ماي ادامنىڭ گورمونالدى جاعدايىنا اسەر ەتە وتىرىپ، زات الماسۋ ءۇردىسىن بۇزادى. كەيىن ادامنىڭ ىشكى اعزالارىنا سالماق سالا وتىرىپ، ادامنىڭ ومىرتقاسىنا زيانىن تيگىزەدى. ىشكى ىشەك مايلارى ەسەبىنەن ادامداردا قارىن پايدا بولادى. ولار الدىمەن ىشەك، ۇيقى بەزى مەن باۋىرلاردا جينالادى. كەيىن سەمىزدىككە ۇلاسقاندا اسقازاننىڭ ىشكى قاباتىنا جينالا باستايدى. بۇنىڭ ءبارى اعزاعا قىسىم تۇسىرەدى. قالاي كۇرەسۋ كەرەك؟

 ىشكى ىشەك مايلارىنان ارىلۋ ءۇشىن بەلسەندى فيزيكالىق جاتتىعۋدان گورى، باياۋ ءارى باسەڭ تۇردە جاسالاتىن كارديو جاتتىعۋلار كەرەك. تەرى استى مايلارى: بۇلار -  تەرى مەن بۇلشىق ەت اراسىنا جينالاتىن جۇمساق ماي تۇرلەرى. مايدىڭ بۇل ءتۇرى از قوزعالىس جاسايتىن ءومىر سالتى مەن بۇرىس تاماقتانۋدىڭ كەسىرەنەن قالىپتاسادى. اعزا كۇندەلىكتى كيلوكالوريانى 500-700 ككالعا ازايتۋ ارقىلى اپتاسىنا 400-700 گ تەرى استى مايىن جويا الادى. تەرى استى مايدىڭ كەتۋ جىلدامدىعى باياۋ بولعاندىقتان، اشىعۋ ديەتالارىنا وتىرىپ نەمەسە ۇزدىكسىز جاتتىعۋ جۇمىسىن ىستەۋدىڭ قاجەتى جوق. ول كەزدە ماي ەمەس، بۇلشىق ەتىڭىزدى جوعالتىپ الۋىڭىز مۇمكىن.

 ءىش پەن بۇيىرگە جينالاتىن ماي: ىشتە جينالعانىنا قاراماستان، بۇلار تەرى استى ماي تۇرىنە جاتادى. بۇل ماي تۇرلەرىنەن تۋىندايتىن باستى ماسەلە جىنىستىق گورموندارعا قاتتى اسەر ەتەدى. مايدان ارىلۋ ءۇشىن ينسۋلين مەن قانداعى قانت مولشەرىن تومەن دەڭگەيدە ۇستاۋ كەرەك. سونىمەن قاتار، ۇزاق مەرزىمدى از مولشەردەگى كومىرسۋعا يە تاماقتارمەن قورەكتەنگەن دۇرىس. قالاي ارىقتاۋ كەرەك: ءتيىمدى ارىقتاۋ مەتابوليزمنىڭ جۇمىسىن تولىق ءتۇسىنىپ، كەيىن ءوزىڭىزدىڭ تاماقتانۋ ءمازىرىڭىزدى زەرتتەگەننەن سوڭ عانا ىسكە اسادى.

 1. قاي ماي تۇرىمەن كۇرەسىپ جاتقانىڭىزدى انىقتاڭىز: سوعان سايكەس سپورت ءتۇرىن، جاتتىعۋلار مەن تاماقتانۋ رەجيمىن قالىپتاستىرىڭىز.

 2. ءىش بۇلشىقەتىنە ارنالعان جاتتىعۋلاردان كوپ ناتيجە كۇتپەڭىز: ولار مايدان قۇتىلۋعا كومەكتەسپەيدى، تەك بۇلشىق ەتتىڭ جيناقتالۋىنا اسەر ەتەدى.

 3. تاماق تانۋ رەجيمىن وزگەرتىڭىز: ديەتالاردان ساق بولىڭىز. مايسىزداندىرىلعان تاعامداردىڭ باسىم كوپشىلىگى سالماق قوسۋعا الىپ كەلەدى. ويتكەنى، مايدىڭ ورنىن جىلدام كومىرسۋلار الماستىرادى.

 4. ءبىر اپتادا تەز سالماق تاستاۋدان قاشىڭىز: دۇرىس ارىقتاۋ -  باياۋ ىسكە اساتىن ءۇردىس. عالىمداردىڭ ايتۋىنشا، ماي جاسۋشالارى مۇلدەم جويىلىپ كەتپەيدى، تەك قانا جيناقتالىپ، ولشەمى كىشىرەيەدى. سوندىقتان، ارىقتاپ الىپ، قالاعانىمدى جەيمىن دەگەن ويدان قازىردەن باستاپ باس تارتقانىڭىز ءجون.

ارىقتاۋدىڭ ادىستەرىنەن بۇرىن، سالماق قوسۋعا سەبەپ بولعان فاكتورلاردى زەرتتەگەنىڭىز جق. مۇمكىن، ءبىر عانا ادەت سىزگە ارتىق سالماقتان ارىلۋعا سەبەپشى بولار. ايتپەسە، «جازعا دەيىن ارىقتاۋ كەرەك» اتتى ەشقاشان اياقتالمايتىن ويىننىڭ قۇربانى بولاسىز.. .

Massaget.kz