ەلوردادا جەلتوقسان ايىندا قانداي مادەني شارالار وتەدى

استانا. قازاقپارات - استانا قالاسىنىڭ مادەنيەت جانە سپورت باسقارماسى جەلتوقساندا ەلوردادا وتەتىن مەرەكەلىك شارالاردى جاريالادى، دەپ حابارلايدى قازاقپارات ءتىلشىسى.

«بۇگىندە ق ر تۇڭعىش پرەزيدەنتى مەن ەلوردانى استاناعا اۋىستىرۋ كۇنىنە وراي وتەتىن شارالارعا قىزۋ دايىندىق جۇمىستارى ءجۇرىپ جاتىر. جەلتوقساندا بولاتىن ايتۋلى مەرەكەلەر مادەني- بۇقارالىق شارالار، قويىلىمدار مەن كونتسەرتتەر جانە وتشاشۋلارعا جالعاسادى» ، - دەدى استانا قالاسى مادەنيەت جانە سپورت باسقارماسى باسشىسىنىڭ ورىنباسارى ناريما مۇحامبەتالينا باسپا ءسوز ءماسليحاتىندا.

1 - جەلتوقساندا ەنەرگيا حولل كونسەرت زالىندا قازاقستاندىق ەسترادا جۇلدىزدارىنىڭ قاتىسۋىمەن ق ر تۇڭعىش پرەزيدەنتى كۇنىنەن ارنالعان «جاڭا ءداۋىر - جارقىن بولاشاق» اتتى مەرەكەلىك كونسەرت وتەدى.

10 - جەلتوقساندا ەلوردانى استاناعا اۋىستىرۋ كۇنى وراي، ونەر جۇلدىزدارى «استانا» كونسەرت زالىندا «استانا ارمانى» كونسەرتىمەن قالا تۇرعىندارى مەن قوناقتارىنا ءوز ونەرلەرىن كورسەتەدى.

15 - جەلتوقسان كۇنى استانادا رەسمي تۇردە «العاشقى قار» شاراسىمەن شاڭعى تەبۋ ماۋسىمى رەسمي تۇردە اشىلادى. بۇل كۇنى پرەزيدەنت ساياباعى، بوتانيكالىق ب ا ق جانە ترياتلون باعىندا شاڭعى تراسسالارى اشىلادى.

16 - جەلتوقسان تاۋەلسىزدىك كۇنىنە وراي، قالا اكىمدىگىنىڭ الاڭىندا ەلوردانىڭ جەتەكشى شىعارماشىلىق ۇجىمدارىنىڭ ۇيىمداستىرۋىمەن مەرەكەلىك ءىس- شارا وتەدى.

جاڭا جىلدىق دايىندىق شارالارىنا كەلسەك، قالا بويىنشا 3 جەردە مۇز قالاشىقتارى ورنالاسادى، ياعني «حانشاتىر» س و ، بوتانيكالىق ب ا ق پەن قالالىق اكىمدىك الاڭىندا.

ودان بولەك، استانانىڭ 11 جەرىندە سىرعاناق الاڭدارى اشىلادى (حانشاتىر، بوتانيكالىق ب ا ق، جەرۇيىق، جەتىسۋ، كەمال اتاتۇرىك اتىنداعى ساياباقتارىندا، قابانباي باتىر داڭعىلى، تاشەنوۆ كوشەسى، ەكسپو، الاتاۋ س ك، بەيبىتشىلىك جانە كەلىسىم سارايى جانە ەسىل وزەنىنىڭ جاعالاۋىندا) .

سونىمەن قاتار، مەرەكەلىك شارالارمەن ەلوردا ماڭىنداعى ەلدى مەكەندەردىڭ دە قامتىلاتىنى ايتىلدى.