ايەلدەر نەگە بالا سۇيگىسى كەلمەيدى؟

 استانا. قازاقپارات - قازىر جار قۇشىپ، ءسابي سۇيۋگە اسىقپايتىن قىز-كەلىنشەكتەر كوپ.

بۇعان نە سەبەپ؟ پسيحولوگتار بۇنىڭ كەڭ تاراعان سەگىز سەبەبى بار دەيدى.

1. لايىقتى ەر ادامنىڭ بولماۋى

 بيكەشتەر قاسىنان سەنىمدى، جاۋاپتى، ءوزىن سۇيەتىن، قامتاماسىز ەتەتىن ەر ازاماتتى كورگىسى كەلەدى.

2. اتا-اناسىنىڭ ناشار ۇلگىسى

اكەسىز وسكەن نەمەسە ۇيىندە اكەسىنەن كوپ ءزابىر كورگەن قىزدار جار قۇشىپ، بالا كۇيۋگە اسىقپايدى. ونى كورىپ وسكەن قىز اناسىنىڭ تاعدىرىن قايتالاعىسى كەلمەيدى. سەبەبى ىشىنلدە قورقىنىش تۇرىپ قالعان.

3. ماتەريالدىق جاعداي

قازىر ءار باسقان قادام اقشانى تالاپ ەتەدى. مۇنى قىزدار دا جاقسى تۇسىنەدى. ال بالانى قامتاماسىز ەتۋ ءتىپتى قيىن. سوندىقتان دا قىزدار ءبىرىنشى وزدەرىنىڭ جاعدايىن جاساۋعا جانە جاعدايى جاقسى جىگىتكە تۇرمىسقا شىعۋعا تىرىسادى.

4. دەنساۋلىقتىڭ بولماۋى

كوپتەگەن قىز-كەلىنشەكتەر قازىر دەنساۋلىعىنا بايلانىستى دا ءسابي سۇيە المايدى. سەبەبى قازىر ەكولوگيا مەن تاماق تازا ەمەس. مۇنىڭ ءبارى قىزدىڭ دەنساۋلىعىنا جاسىنان اسەر ەتەدى.

5. مانساپ قۋۋ

قازىر قىز- كەلىنشەكتەر قوعامداعى ءوز ورنىن تابۋعا، مانساپ قۋۋعا تىرىسادى. سەبەبى مانساپ ماتەريالدىق جاعدايىن جاقسارتادى. سول سەبەپى دە كوپشىلىگىنە جەكە ءومىردى كەيىنگە قالدىرۋعا تۋرا كەلەدى.

6. ەركىندىكتى جوعالتۋ

سونداي-اق قىز-كەلىنشەكتەر ەركىندىگىن جوعالتىپ الۋدان قورقادى. تۇرمىسقا شىققاننان كەيىن ەركىندىگى شەكتەلىپ، مىندەتتەرى كوبەيەتىنىن تۇسىنەدى. سول سەبەپتى دە تۇرمىس قۇرۋعا اسىقپايدى.

7. انالىق ينستينكتىنىڭ بولماۋى

قىز- كەلىنشەكتەردىڭ %10 ىندا انالىق ينستينكت مۇلدە جوق. بۇعان تۋا بىتكەن ەرەكشەلىك دەپ قاراۋ كەرەك. بۇل ءار ايەلدىڭ جەكە تاڭداۋى.

8. ەگويزم

تەك وزدەرى ءۇشىن ءومىر سۇرگەندى قالايتىن قىزدار بار. ولاردى بالا كەزىندە كوپ ەركەلەتكەن بولۋى مۇمكىن. مۇنداي قىز-كەلىنشەكتەر ۋاقىتى مەن كۇش-قايراتىن وزىنەن باسقالارعا جۇمساعىسى كەلمەيدى.