نازاربايەۆ ۋنيۆەرسيتەتىنىڭ اعىلشىنشا وقىتۋ باعدارلاماسى حالىقارالىق ساراپتامادان ءساتتى ءوتتى
ساراپتاما كەزىندە نازاربايەۆ ۋنيۆەرسيتەتىنىڭ پاندەردى اعىلشىن تىلىندە وقىتۋ باعدارلاماسى كەلەسى ساناتتار بويىنشا حالىقارالىق ستاندارتتارعا سايكەستىگى انىقتادى: 1) مەنەدجمەنت، 2) ينفراقۇرىلىم مەن رەسۋرستار 3) كونتەنت 4) ادىستەمە.
ەسىڭىزگە سالا كەتسەك، سوڭعى ەكى جىل ىشىندە جاراتىلىستانۋ- عىلىمي باعىتىنداعى پاندەردى اعىلشىن تىلىندە وقىتۋ ءۇشىن نازاربايەۆ ۋنيۆەرسيتەتىندە قازاقستاندىق 5 مىڭ مۇعالىم دايارلىق ءوتتى. قازاقستان رەسپۋبليكاسىندا ءۇش تىلدە ءبىلىم بەرۋ ساياساتى اياسىندا 2017-2018 -جىلدارى نازاربايەۆ ۋنيۆەرسيتەتى حيميا، فيزيكا، بيولوگيا جانە ينفورماتيكا پاندەرىن اعىلشىن تىلىندە وقىتۋ ءۇشىن 5 مىڭنان استام قالالىق جانە اۋىلدىق مەكتەپ مۇعالىمدەرىن دايىندادى. باعدارلاما تۇلەكتەرى ءتيىستى حالىقارالىق تىلدىك ەمتيحاندى ويداعىداي تاپسىرىپ، قاجەتتى اعىلشىن ءتىلىن مەڭگەرۋ دەڭگەيى - B2 دەڭگەيىن راستادى.
حيميا، فيزيكا، بيولوگيا جانە ينفورماتيكا پاندەرىن ورتا مەكتەپتەردىڭ 10-11-سىنىپتارىندا اعىلشىن تىلىندە وقىتۋ 2019 -جىلى باستالادى دەپ كۇتىلۋدە.